Kjo është një faturë (fatura) me ane te se ciles eshte paguar 150 mije euro ndermjetesi shkelzen berisha nga nje agjensi imobiliare.
Fatura është publikuar nga mediat në tiranë të cilat kanë treguar perfundimin e nje kontrate te lidhur mes agjencise Stellar Real Estate Investmens Albania sh.p.k ne vitin 2009.
Agjensia ishte pronare e nje toke qe kishte blere ne porto roman e cila është marrë me 6 deri në 10 euro metri dhe është rishitur me 18 euro metri.
Agjensia që ka paguar me 150 mijë euro djalin e ish kryeministrit Berisha është pronë e një kompanie guackë e rregjistruar në gjilbratar, një vend i njohur si parajsë fiskale.
Kjo agjenci ka blerë 50 mijë metra katrorë tokë në Porto Romano, zonë e destinuar nga qeveria e asaj kohe për park industrial dhe depozita karburanti. Më pas agjencia kontrakton Shkëlzen Berishën si ndërmjetës, me fjalë të thjeshta si sekser për t’I gjetur blerës për këtë tokë.
Blerësi sipas raportimeve në media është Ilir Karcini, biznesmeni I gazit të lëngshëm I cili u arrestua pak ditë më parë si i akuzuar si porositës i vrasjes së biznesmenit gazit, Piro Bare, me anë të vrasësit me pagesë Julian Sinanaj.
Kontrata mes agjencsisë dhe sekserit Berisha është lidhur me 11 dhjetor të vitit 2009,. Detyra Shkëlzenit ishte që t’i gjente blerës për rreth 50 mijë m2 tokë për këtë shërbim Shkëlzeni duhet të fitonte 3 euro për çdo metër katror tokë të shitur.
Nga verifikimet pranë institucioneve, rezulton se, blerësi që ka gjetur Shkëlzeni është biznesmeni i Ilir Karçini. Konkretisht, në vitin 2010, pas kontratës së Shkëlzenit, pronat e kompanisë Real Estate Investmens Albania sh.p.k., i ka blerë kompania PRIMAGAS ALBANIA.
Bëhet fjalë katër prona bujqësore në zonën kadastrale 3184 në Porto Romano në Durrës. Referuar të dhënave nga QKR, biznesmeni Ilir Karçini ka 100 për qind të aksioneve në kompaninë PRIMAGAS ALBANIA.
Në këtë tokë u ndërtuan depozita gazi për të cilat kompanisë së Karcinit ju dha leje nga ana e qeverisë së kryeministrit Berisha.