Sot më në fund Muli veproi me dorë të hekurt.
Thirri Lelon dhe e pyeti si qëndron situata më rapsodët
-Janë shtuar, i tha ai. Sot kam mbi 10 rapsodë që duan t’i këndojnë Doktorit poshtë dritares.
Nuk i ndalim dot më. Na duhet një ndërhyrje e fortë.
Të gjitha janë me tematikë disfatiste.
I kërkojnë Doktorit t’i shpëtojë nga diktatura.
Doktori i shkretë po vuan vetë nga diktatura.
Atmospheric Rivers Boosting Reservoir Water Levels in California
Keep Watching
U thashë duhet të ndërroni tematikë, ndryshe s’ka më vjersha.
-Atëherë do t’u thuash që do flasin udhëheqësit kryesorë sot.
-Po kë të thërrasim, tha Lelo?
-E thjeshtë, do dalësh vetë, tha Muli.
Dhe Albana, që të hiqen dyshimet dhe ndaj saj, se ka munguar ca kohë.
Do marrësh dhe Myslimin, se vetëm ai u vjen hakut këtyre të Gaz Bardhit, që luajnë me dy porta. Dhe t’i kërcënojmë .
Duhet t’i tregojmë Edi Ramës që jemi seriozë dhe nuk na tall dot me rapsodë të infiltruar.
-Dakord, tha Lelo. Se dhe për mua kanë dyshime pse mbaj kapele dhe vij fshehur tek rrugica.
Me këtë rast ta sqaroj dhe këtë punë.
-Dhe Albana duhet të mbrojë fort Doktorin në fjalim, tha Muli, se dhe për atë ka dyshime.
-Fola dje me Zenin, tha Lelo.
Do dërgojë dhe ai një nga gazetarët e Syrit të flasë, se është hap fjalë që Zeni nuk del, ngaqë ka dalë Argita.
Na duhen të promovojmë njerëz të sigurtë, ndryshe do na keqpërdorin promovimin në këtë protestë historike.
-E shumë mire, tha Muli. Sot është dita të thërrasim besnikët më të fortë, se ndryshe na degjeneroi protesta.
Të gjithë duhet të bëjnë thirrje për një protestë të madhe.
Vetëm kështu mund të përgatisim mitingun e 20 shkurtit.
Më 20 shkurt duhet ta tërheqim zvarrë Edi Ramën.
Ta tërheqim zvarrë e ta sjellim tek “Rrugica e Doktorit”.
T’i themi dil në ballkon shikoje. E rrëzuam.
-Patjetër, tha Lelo. Ja të porosis një dordolec të madh që ngjan si Edi Rama dhe e kemi gati për datën 20.
Vetëm ta bëjmë me polisterol, që ta tërheqim kollaj.
Se në fund të fundit simbolike janë protestat.