Pas pushtimit të zyrave të Kuvendit nga Muli dhe Salianji, si deputetë të dënuar për të mos hyrë në zyra e Kuvendit, Muli përgatiti sot një sqarim për simboliken e këtij akti:
“Të dashur demokratë!
Ajo që ju patë sot në zyrat e Kuvendit, ngjitja nga kangjellat apo ngjitja nga dritaret, është një akt simbolik që i tregon Edi Ramës që ne e pushtojmë për 5 minuta zyrën e Enver Hoxhës. Dhe provat i dhamë.
Për pesë minuta ne arritëm të hyjmë në godinë dhe Doktori u shfaq në dritaren e zyrës së Enver Hoxhës për të përshëndetur njerëzit.
Dhe mendoni një moment që Enver Hoxha ka vdekur 77 vjeç, kurse Doktori po shkon 80.
Pra arritëm ta fusim në zyrë të Enver Hoxhës në moshën 80 vjeçare.
Kjo, për t’i treguar Edi Ramës se ne nuk na ndal asgjë.
Simbolika e dytë e kësaj beteje është për t’i treguar Edi Ramës se kur ne bëjmë gjithë këtë sakrificë për arrestimin e Abit, merre me mend çdo bëjmë nëse ai prek Doktorin, apo Zenin.
T’i bëjë mirë llogaritë se me kë ka punë.
Simbolika e tretë dhe më ë e rëndësishme, është t’u tregojmë shqiptarëve kush është opozita e vërtetë.
Më thoni ju mua, a ngjitet dot Lul Bash nga kangjella, a futet dot Lul Basha dhe nga dritarja, a e mban dot ai bomblën e gazit lotsjellës në duar derisa t’i digjen dhe të mos dorëzohet? Kurrë.
Ja pra kjo është diferenca.
Ne dimë të bëjmë opozitë, kemi fantazi për gjetje të reja çdo ditë, dhe do të vazhdojmë të kemi gjetje të reja, derisa SPAK të tërhiqet nga vendimi antikushtetues për arrestimin e Doktorit dhe të mos guxojë të prekë më familjen e tij.