Foltorja e Doktorit i kishte ngritur shumë moralin Mulit dhe aktualisht mendonte se asnjë politikan në Shqipëri nuk mund të ishte aq popullor sa ai. Në takimin e Dibrës një grua plakë 90 vjeç kërceu me lodër vallen e Berishës.
Por befas u shfaq Ilir Meta dhe nga xhelozia shkoi në Skoci, ku u bë figura më popullore e tifozëve të skuadrës së Sëlltikut.
Pas takimit, të gjithë tifozët e Sëlltikut u vendosën në radhë të dilnin foto me Ilir Metën.
Përse e bëri Ilir Meta këtë?
Muli mendon se pikë së pari e bëri nga xhelozia për foltoren. Duke parë se Doktori po rikthehej përmes foltores, dhe ai ka menduar të rikthehet përmes Sëlltikut. Duke qenë njeri popullor në Skoci, dhe duke qenë se skocezët kanë shumë zakone të ngjashme me shqiptarët, Meta ka menduar se kjo do të jetë sfidë e rëndësishme. Për të ka rëndësi që politikani të jetë popullor, por nuk ka rëndësi shumë se cili popull e do. Popullin mund ta ndërrosh kur të duash.
Nga ana tjetër kjo është dhe një sfidë kundër SHBA përmes Skocisë. Ashtu si Doktori e sfidoi SHBA nga Franca meqë e ka si atdheun e tij të dytë, dhe Ilir Meta e sfidoi nga Skocia ku stadiumi i Sëlltikut, është bërë si atdheu i tij i dytë. Tani SHBA po ka fuqi, le tu heqë vizat gjithë tifozëve të Sëlltikut.
Së treti me këtë gjest Meta kërkon të përshëndesë Kryengritjen e Fierit nga Luan Baçi dhe t’i kujtojë atij se edhe kryengritja e parë e Fierit në kohë të Zogut, u mbështet nga Riza Cerova nga Skrapari. Duke marë mbështetjen e tifozëve të Sëlltikut, ai tani vjen krenar në Shqipëri si njeri që e do bota dhe do të bëhet garant i Kryengritjes së Fierit.