as disa takimeve të Doktorit në Tiranë, Fier, Vlorë dhe Durrës, Mulit i ra në sy se një numër i madh të çmendurish marrin mikrofonin dhe mbajnë peshën kryesore në takim.
Përpjekja e tij për t’i frenuar ata ka rezultuar e pasuksesshme.
Nga ana tjetër, vetë Doktori i inkurajon dhe bashkëbisedon me ta, duke u dhënë zemër.
Kjo u pa qartë dhe në takimin e Durrësit, ku spikati sidomos një ish-oficer SHIK që ka denoncuar ardhjen fshehurazi të Xhorxh Tenesit në Vlorë në trazirat e ’97, si dhe përpjekjet amerikane kundër Berishës.
Pas kësaj, Muli vendosi të krijojë një forum të veçantë, që quhet “Pacientët e Saliut”.
Kjo organizatë ka për detyrë që në çdo takim të Doktorit, të përzgjedhë anëtarë të shoqatës që duhet të flasin.
Personat që do të flasin, duhet të kenë firmën e anëtarësisë në këtë shoqatë, të kenë vërtetim që nuk kanë pranuar vaksinimin, dhe një formular që pranojnë ta dorëzojnë mikrofonin pasi të mbarojnë së foluri.
Kryetare e shoqatës është zonja Evis Angelakis.
Në kryesi do të jetë një nga Vlora, që ka zbuluar se Xhorxh Uashingtoni është nga Tetova, një nga Durrësi që ka zbuluar se Tenesi ka qenë më ‘97 në Vlorë, dhe një nga Mesopotami që mendon se patrioti më i madh i kombit grek është Doktori.
Shoqata “Pacientët e Saliut” do të jetë organizatë partnere e PD, por nuk do të paguajë kuota.
Ajo do të shërbejë si urë lidhëse mes PD dhe Berishës dhe do të luftojë për të thënë të vërtetat e guximshme që nuk i thonë dot njerëzit normalë.