Pas ngjarjeve të sotme në Divjakë, ku opozitarët thyen trarin që ishte vendosur për të hyrë në Park me biletë, Muli vendosi t’u dërgojë atyre një letër përshëndetëse:
“Të dashur divjakarë!
Pashë i entuziasmuar betejën tuaj për thyerjen e traut të Parkut të Karavastasë dhe mu bë zemra mal.
Beteja juaj më kujtoi betejën e bashkëfshatarëve të mi në Kukës, që thyen traun e vendosur në autostradë.
Për arsye personale, unë nuk i mbështesja dot ata atë ditë, dhe ndjehesha shumë keq.
Dhe mezi po prisja një rast që t’ua shpërbleja dhe t’ua ktheja mbështetjen time.
Ju sot më dhatë shansin që t’iu përshëndes ju, por dhe vëllezërit e mi kuksianë, që nuk i përshëndesja dot atë ditë, për atë që bëtë.
Pyeta Çetin a të protestoj sot dhe më tha s’ka problem, se ai trau në Divjakë është i shtetit.
Dhe unë këtë se fal kurrë.
Ky është hapi i parë i revolucionit që po nis në Shqipëri.
Më 6 dhjetor ne do protestojmë në Tiranë, ku do mblidhen gjithë krerët e Europës.
Kemi nevojë për njerëz që thyejnë trarët, pasi me siguri ata do vendosin postblloqe për të mbrojtur udhëheqësit e Europës nga opozita.
Por ata i kanë bërë llogaritë gabim.
Europa dhe Perëndimi ose do njohin Sali Berishën si kryetar të opozitës, ose ky vend nuk ka qetësi.
Nuk ka tra dhe postbllok që ndal revolucionin tonë.
Shembulli juaj sot më bën krenar si kuksian, që jemi të parët që ndezëm zjarrin e këtij revolucioni, derisa të këpusim dhe traun e fundit që mban peng Shqipërinë, atë që është para hyrjes në Kryeministri”.