Lajmi se Meloni ka vendosur ta quajë aeroportin Malpensa, me emrin e ri Berluskoni, e futi Mulin në mendime.
-Ky gjesti i Melonit më preku, tha Muli.
Mendo se çi bëri Luli, Doktorit, e çfarë bën Meloni për Berluskonin vetëm se e ka bërë deputete njëherë.
– E vërtetë është, tha Lelo.
Gjest mirënjohje, por ne nuk duhet t’i japim shumë zë tani se duket sikur Doktori do vdesë e po mendojmë si do sillet pasardhësi.
Le që e kemi caktuar pasardhësin, është Argita.
Ajo me siguri do t’ia vërë emrin tunelit të Kalimashit.
-Jo jo, nuk thashë të bëjmë debat, tha Muli, por më vjen inat që pasardhësi jonë i parë është besëprerë, kurse kjo është mirënjohëse.
Ne duhet të mendojmë se ku ka lënë më shumë gjurmë Doktori në raport me Berluskonin dhe ta përcaktojmë qartë prioritetin që do kemi.
-Nuk e di çka bërë Doktori më shumë se Berluskoni, por di cka bërë Berluskoni më shumë se Doktori.
-Çfarë ka bërë më shumë se Doktori ai?
-Aq sa ka Doktori anëtare partie, ai ka pas dashnore.
Nuk e arrin dot në këtë pikë.
Dhe ato të mbajnë gjatë më shumë se partia dhe janë besnike pas vdekjes.
-E jo, në atë fushë nuk konkurrojmë ne, tha Muli, jemi parti serioze.
Them në këto veprat publike.
-Në veprat publike Berluskoni mbahet mend që bëri Milanon e re, një qytet të tërë me lekët e tij.
Doktori mbahet mend që bëri Bathoren dhe Paskuqanin, që është në një farë mënyre Tirana e re.
-Po në politikë, tha Muli?
-Në politikë Berluskoni i ndërronte çdo palë zgjedhje emrin e partisë dhe fitonte.
Ne një herë na la Luli pa emër e humbëm thellë.
Prandaj është mirë mos të bëjmë krahasime, por të perqëndrohemi që të fitojmë njëherë.
Pastaj e kemi në dorë kujt t’i vëmë emrin e Doktorit.
Por duhet doemos jo stacion treni apo aeroport se na vë njeri bombën e shkakton probleme.