Muli më në fund bëri një udhëtim në Itali. Gjekmarkaj, i premtoi se do t’ja përkthente me korrektësi çdo gjë që do dëgjonte, përveç rastit kur do ishte vetëm pa të dhe nuk kish si ta ndihmonte.
Kështu, ndërsa po zhvillohej një seminar i Forca Italia, Tajani e thirri Mulin të ulej krah tij.
Muli u vu në siklet, se kishte hall se mos e pyeste për ndonjë gjë.
-Këta dhe të vdekur nuk e tradhtojnë Berluskonin i tha Muli, Gjekmarkajt. Kurse këta legenat tanë duan ta tradhtojmë Doktorin që është akoma gjallë.
-Po të ishte i vdekur as ne nuk do ta tradhtonin i tha Gjekmarkaj. Problemi është që e kemi gjallë e s’dimë ç’të bëjmë. Po ti mos u merr me Doktorin merru me qeverinë i tha Mulit.
-Ça të them ndonjë gjë për qeverinë?
-Thuaj ça të duash po mos i bjer fort, se këta të djathtët në Itali janë me Edi Ramën. Ne jemi me komunistët e Rai3.
-Si, edhe këta me Ramën?
-Po po, sot i kanë shkruar dhe letër solidariteti. Prandaj thuaj gjëra të përgjithshme. Lavdëro kampin e refugjatëve në Lezhë, dhe thuaj po ta bënit me ne do ta bënim më të mirë.
-Po ne e kemi sharë tha Muli.
-E kemi sharë në Shqipëri, nuk dinë gjë këta. Këtu lavdëroje se nuk e merr vesh njeri në Shqipëri.
-Ku i mbaj mend gjithë këto unë tha Muli. Ne vimë tek e djathta na del para Rama, hapim tv italiane na del para Rama, hapim gazetat na del para Rama. Ky këtu qenka si Doktori në Shqipëri që del në çdo tv.