Mr. Sali Berisha… Mos guxoni të prekni tokën britanike!
Kjo është përmbajtja e letrës që Home office i dërgoi Sali Berishës, pikërisht një vit më parë, më 21 korrik 2021 kur Mbretëria e bashkuar mori vendimin për ta shpallur non grata për shkak të lidhjeve të qarta me grupet e krimit të organizuar dhe kriminelët që kanë paraqitur një kërcënim për sigurinë publike në Shqipëri dhe në Mbretërinë e Bashkuar
Qëllimi i kësaj letre është tju informoj ju se më 19 korrik 2022, pas shqyrtimit tepër të kujdesshëm, Sekretari i Brendshëm urdhëroi personalisht që ju të përjashtoheni nga Mbretëria e Bashkuar për arsye kriminaliteti dhe korrupsioni.
Se prania juaj në Britaninë e Madhe nuk konsiderohet e favorshme për të mirën publike si rezultat i vlerësimit se ju keni lidhje të qarta me grupet e krimit të organizuar dhe kriminelët që kanë paraqitur një kërcënim për sigurinë publike në Shqipëri dhe në Mbretërinë e Bashkuar dhe se jeni të gatshëm t’i përdorni këto lidhje për më tej, për ambiciet tuaja politike dhe vlerësojmë se ju keni përdorur pozicionet tuaja të zgjedhura për t’u përfshirë në korrupsion dhe sjellje kriminale, për të pasuruar veten dhe rrethin tuaj të ngushtë, veçanërisht ish-këshilltarin tuaj zgjedhor Damir Fazlliç, të cilin më pas e mbrojtët kur dalin provat e kriminalitetit”
Letra e sekretarit të Brendshëm të Britanisë ka qenë e bashkangjitur në raportin e gjatë me qëndrimet e tij për vendimin e Mbretërisë së Bashkuar që e shpalli ‘non grata’ një vit më parë.
“Vendimi u vërtetua nga sekretari i Brendshëm sipas seksionit 2C të Aktit të Komisionit Special të Apelimit të Emigracionit të vitit 1997. Efekti i kësaj është se çdo rishikim i përjashtimit tuaj, me aplikim, mund të ndërmerret nga Komisioni Special i Apelimit të Emigracionit (SIAC)”, vijon letra.
Home Office i vë në dukje ish-kryeministrit shqiptar se nuk duhet të përpiqet të udhëtojë në Britaninë e Madhe as edhe tranzit, pasi transportuesi (kompania e fluturimit) do të njoftohet për urdhrin e ndalimit ndaj tij.
“Ju nuk duhet të përpiqeni të udhëtoni në Mbretërinë e Bashkuar pasi do t’ju refuzohet hyrja. Duke qenë se jeni përjashtuar nga Mbretëria e Bashkuar nga Sekretari i Shtetit, ju jeni dikush në lidhje me të cilin një transportuesi mund t’i refuzohet autoriteti për të udhëtuar në MB sipas paragrafit 14(e) të Skemës së Autoritetit për Mbajtjen 2021