Një skandal për një njeri të thjeshtë, për një njeri normal jo më për ish kryeministrin dhe ish presidentin e Shqipërisë që për 13 vite nga 27 vite poskomunizëm ka qënë në krye të shtetit. Dikush mund të thotë se nuk i ka filtruar mesazhet stafi i Sali Berishës, por të dielën ish kryeministri i sheh vetë mesazhet sëpaku pasi e ka pushim stafin.
Ndërkohë që për hir të së vërtetës “dixhitalin” gjithnjë e hedh bruto në status, pavarësisht se kë lëndon, pavarësisht se mund të ketë viktima më pas.
Madje mbi 90% të tyre i sajon vetë.
Sali Berisha është në gjendje të bëjë gjithçka, vetëm e vetëm që të godasë qeverinë e Ramës, jo se ka ndonjë gjë me Ramën. Përkundrazi, Rama këtë monstër po e mban larg qelisë së burgut, duke respektuar paktin e arritur me të.
Eshtë një pakt monstrash ky, mes Ramës dhe Berishës.
Por thjeshtë se për shkak të gjendjes skandaloze në të cilën është rritur, situatën incestiale që ka qënë i detyruar të shohë që në fëmijësi në kullën e tij në Viçidol, Berishën e kanë transformuar në një njeri të devijuar psikik, aq sa të përgojojë kë ti dalë përpara. Sidomos femrat.
Dhe një përgojim të tillë e bën për një vajzë që është nga një zonë ku Kanuni vijon të jetë i rreptë, dhe ku t’i thuash se e kanë përdhunuar, me emër dhe mbiemër vajzën dhe djalin, dy gjëra bëhen: Ose kërcet pushka në të dyja palët dhe nuk dihet ku ndalet gjakmarrja, dhe për më tepër vajza është një kontigjent serioz për të mos krijuar bashkëjetesë me njeri.
Kanuni s’fal aty dhe ekuilibrat mes shtetit dhe këtij ligji të Mesjetës janë shumë të brishta dhe kontradiktore.
Gjendja ka qënë aq serioze sa ka ndërhyrë vetë vajza e lënduar padrejtësisht, që përmes një letre publike në drejtim të mediave, ka kërkuar përgënjështimin e menjëhershëm të lajmit, pasi nuk ka asgjë të vërtetë në ato që shkruan Berisha pa filtruar dhe po pa filtruar i ka përcjellë dhe media.
Më konkretisht ish-kryeministri Berisha denoncoi të dielën një mesazh nga “qytetari dixhital”, ndërsa akuzonte djalin e deputetit të PS-së në Krujë Rrahman Rrahja se ka përdhunuar një vajzë dhe se policia e ka fshehur ngjarjen. Duke i përmendur emër e mbiemër vajzës por dhe djalit, pavarësisht se Fushë Kruja është një “bythe” vend dhe të gjithë e njohin njëri tjetrin.
Gjithkush e merr me mend presionin mbi familjet respektive dhe sidomos mbi familjen e vajzës dhe vetë vajzën e lënduar nga maskarallëku i Berishës.
Drejtoria e Policisë Durrës reagoi duke sqaruar se materialet janë referuar në prokurori për kërcënim dhe ngjarja nuk është fshehur.
Ndërkohë që ka reaguar dhe vajza për të cilën Sali Berisha pasi e ka përmendur me emër dhe mbiemër shkruan se është përdhunuar nga djali i deputetit.
Vajza Xh.Maloku shprehet për ‘Report Tv’ se u trondit kur mori vesh lajmin nga mediat se Berisha kishte publikuar një status ku thoshte se ajo ishte përdhunuar.
25-vjeçarja kërkon përgënjeshtrimin e lajmit, ndërsa thekson se ato që shkruan Berisha nuk janë aspak të vërteta dhe se nuk është manipuluar nga askush.
Sipas saj gjithçka bëhet për të njollosur emrin e deputetit Rraja. Konfliktin me djalin e deputetit, ajo thotë se e ka sqaruar në polici.
“Pershendetje une quhem Xh.Maloku dhe po e shkruaj këte mesazh ne lidhje me denoncimin e Z.Sali Berisha te bere publik ne fb.Lajmin e mora vesh nepermjet medias dhe ishte nje lajm shume trondites per mua dhe familjen time.
Ne shkrimin e tij thuhej per nje perdhunim ndaj meje kjo nuk esht aspak e vertete dhe esht dicka shume e rende sidomos te thuhet nga nje ish Kryeminister. Pas deklarates se tij ne fb lajmi mori dhene ne te githa portalet dhe mediat, kerkoj ndihmen tuaj te pergenjeshtrohet sa me shpejt kjo shpifje.
Une nuk jam perdhunuar nga askush nuk jam manipuluar nga askush dhe nuk ka pasur asnje presion as ndaj meje as ndaj familjes time. Kjo shpifje esht bere per te njollosur emrin e deputetit Rrahman Rraja i cili esht nder njerzit me te rrespektuar ne rrethin e Krujes.
Per sa i perket nje debati me djalin e tij un jam sqaruar ne stacionin e policise Fushe Kruje ne pranine e avokatit dhe psikologes dhe dy oficere te policise te cilet asnje nga kto perfshire dhe mua nuk kemi pasur asnje lloj ndikimi nga asnje lloj njeriu. Ne denoncimin e Zotit Berisha ne fb lexova dhe emrin e Artur Bushit te cilin un nuk e njoh dhe po ta shikoj ne rruge di vetem qe esht kryetar bashkie.
Ju lutem te pergenjeshtrohet sa me shpejt kjo shpifje qe po trondit familjen time dhe te personave qe jan permendur ne ate shpifje”, reagon vajza e lënduar padrejtësisht, e cila sherrin që kishte bërë me një djalë, si çdo vajzë normale, e ka parë në media të tranformuar në përdhunim nga ana e Sali Berishës. Ndërkohë Berisha as falje nuk ka kërkuar për këtë maskarallëk./Pamfleti