Lëvizja Socialiste për Integrim ka reaguar pas arrestimit të Lefter Kokës nga SPAK për hetimin e nisur për çështjen e inceneratorëve.
Kryetarja Monika Kryemadhi tha se ka akoma persona të përfshirë në këtë çështje.
“Ka akoma dhe shumë të tjerë, majtas e djathtas. Janë të gjithë në provë, përballë provave të pa kontestueshme!”, shkruan Kryemadhi teksa publikon disa dosje.
Gjithashtu nënkryetari i LSI-së, Petrit Vasili në një postim në Facebook shprehet se denoncimet dhe faktet kanë qenë prej shumë kohësh, por mosveprimi, sipas tij, ka qenë i qëllimshëm.
Vasili shprehet se “banda e aferës së inceneratorëve nuk duhej prekur para zgjedhjeve sepse do të blinte mijëra vota të LSI, për PS në Durrës, Tiranë, Elbasan, Fier etj. Po ashtu, sipas LSI, po ajo bandë detyroi Bashën që të mos pranonte anëtarë të LSI në Komisionin Hetimor parlamentar.
“Shqiptarët nuk duan drejtësi me regji, por drejtësi të vërtetë, në kohën e duhur,” përfundon nënkryetari i LSI.
“Shume vone, hipokrite dhe pa asnje vlere per te falenderuar Spakun. Denoncimet dhe faktet atje kane qene prej shume kohesh, por mosveprimi ka qene i qellimshem dhe me regji.
Banda e aferes se incineratoreve nuk duhej te prekej para zgjedhjeve sepse ajo do te blinte dhjetera mijera vota te LSI per llogari te Rilindjes ne Durres,Tirane, Elbasan, Fier, Berat etj .
Ne krye te bandes eshte vete Edi Rama dhe Kryetaret e Bashkive e Ministrat ende ne detyre. Banda e icineratoreve e detyroi edhe Lulzim Bashen qe te mos pranonte asnje anetar nga Lsi ne Komisionin Hetimor parlamentar.
LSI do te zbardhe te plote dhe deri ne fund kete afere para popullit shqiptar. Shqiptaret nuk duan drejtesi me regji, por drejtesi te vertete dhe ne kohen e duhur!!”
Ish-ministri i Mjedisit Lefter Koka akuzohet për shpërdorim detyre, korrupsion dhe pastrim parash.”