Deputetja Monika Kryemadhi duket e pashqetësuar pasi u kallëzua penalisht për protestën e dhunshme të opozitës një ditë më parë në Kuvend.
Ish-kryetarja e Partisë së Lirisë ka ndarë me ndjekësit një video ku shfaqet duke kërcyer, teksa thotë se gjendja e saj është shumë e mirë pas kallëzimit të radhës.
“Mood im pas një tjeter procedimi penal, nuk mu ndanë sa majtas djathtas”, shkruan ajo në Instagram.
Mirëpo ndjekësve nuk u ka shkarë një detaj nga video, ku dallohet tarraca me lule dhe pishinë.
Ata i kanë vënë në dukje ambientin luksoz, ku jeton Monika Kryemadhi, e cila njihet për ekspozimin e luksit të saj.
Mjafton të kujtojmë këtu emisionin me Sonila Meçon vite më parë, kur tregonte vilën luksoze në Lalëz, në të cilën madje, kishte disa tualte vetëm për macet.
Video që më pas u zhduk, pasi shkaktoi shumë bujë.