Skenari i përdorur nga kryetarja e LSI ka qënë i njejtë me ato që ka përdorur bashkëshorti i saj Ilir Meta më parë: nxjerr një “zar” që thotë mesazhin në një media e më pas e përforcojnë vetë në daljet publike. Këtë radhë nxori Nikollë Lesin që deklaroi se ditën e zgjedhjeve do thyhen kutitë e votimit dhe vendi do zhytet në kaos. Një ditë më vonë, “ratifikon” deklaratën e dalë nga “kuzhina” e çiftit Presidencialo-opozitar. Starton beteja e hajdutëve për pushtet
Monika, bashkëshortja e Ilir Metës dhe që ka marrë nën administrim përkohësisht Lëvizjen Socialiste për Integrim ka teoritë e saj konspirative në lidhje me fatin e qeverisë dhe të Edi Ramës si kryeministër aktual i saj.
Skenari i përdorur nga kryetarja e LSI ka qënë i njejtë me ato që ka përdorur bashkëshorti i saj Ilir Meta më parë dhe ajo pak herë: nxjerr një “zar” që thotë mesazhin në një media dhe më pas e përforcojnë vetë në daljet publike.
Kështu ka ndodhur dhe këtë radhë, teksa Monika dhe Meta kanë nxjerrë Nikollë Lesin, “zarin” që paguajnë për të dhënë mesazhet, për të deklaruar se më 30 qershor të vitit të ardhshëm do të ndodhë kataklizma dhe do të thyhen kutitë e votimit.
Ndërkohë Monika, vetëm një ditë më pas ka deklaruar për mediat në sinkron me Lesin se më 30 qershor s’do ketë vetëm zgjedhje lokale, por dhe parlamentare. Ajo tha se sipas informacioneve që ka, më 30 qershor do të kemi zgjedhje të parakohshme.
“Nga gjithë informacionet që ne kemi e shikojmë që data 30 qershor do jetë ditë zgjedhjesh lokale e të përgjithshme”, tha Kryemadhi gjatë një takimi që ka mbajtur më strukturat e LSI-së në Gjirokastër.
Kryemadhi tha se Parlamenti tashmë është shpërbërë, ndaj zgjedhjet e parakohshme janë logjike, ndërsa ka kërkuar nga strukturat e LSI-së që të kontaktojnë socialistët e ndershëm, të cilët janë zhgënjyer nga “Rilindja”.
Monika tha se ata mund ta kalojnë zhgënjimin, duke qenë pjesë e LSI-së, e cila kujdeset për anëtarët e vet, ndërkohë që thotë se opozita e bashkuar do t’i fitojë zgjedhjet me patjetër më 30 qershor, ose do të bëhet kiameti dhe nuk do të lejojë Ramën që t’i vjedhë./Pamfleti/