Ministri i Drejtësisë, Ulsi Manja deklaroi gjatë konferencës së djeshme për bilancin e vitit 2022 dhe objektivat e kësaj ministrie dhe qeverisë në 2023se do të ngrihen sportele për ndihmë juridike falas për një kategori qytetarësh si dhe do të kërkohet miratimi nga Parlamenti i një amnistie penale për një kategori të burgosurish.
Në konferencën e përbashkët me ministrin e Brendshëm, Bledi Çuçi, ministri Manja u ndal dhe te çështja e Amnistisë Fiskale, pr/ligj që është kundërshtar ashpër nga BE dhe SHBA. Ai theksoi se qeveria nuk e ka ngutshme miratimin e një projektligji të tillë pasi po konsultohet me BE, por nuk e hodhi poshtë draftin aktual të propozuar nga mazhoranca sociale.
Gjithashtu, Manja raportoi se në kuadër të hetimit dhe penalizimit të noterëve dhe përmbaruesve, janë hequr 10 licenca noterësh dhe 5 përmbaruesish privatë.
Për sa i përket 51 inspektimeve të kryera ndaj noterëve dhe përmbaruesve në vitin e kaluar, sipas Ministrisë së Drejtësisë janë penalizuar 23 noterë me heqje licencash (10), pezullim licence (7) dhe marrje mase administrative (6), ndërsa ndaj 6 përmbaruesve u janë hequr licencat (5) dhe 1 licencë përmbaruesi është pezulluar.
Ndërkohë, ministri Manja paralajmëroi se qeveria dhe mazhoranca synojnë të miratojnë ligjin e ri për sistemin e përmbarimit gjyqësor shtetëror. “Me ndryshimet e reja të noterisë dhe sistemi noterial, i janënënshtruar një proces filtrimi të gjithë noterët që janë në sistem. Për 2022 janë 36 inspektime të realizura, të cilat janë finalizuar me 10 heqje licencash, 7 pezullime të tjera dhe janë 6 masa të tjera administrative.
Janë dhe katër inspektime të tjera që janë në proces hetimi. Sa i përket përmbarimit privat, kemi 15 inspektime që janë finalizuar me 5 heqje licencash të përmbaruesve, 1 është pezullim dhe 7 të tjera janë në proces. Kemi si objektiv të miratojmë ligjin për përmbarimin gjyqësor shtetëror”, deklaroi fillimisht ministri i Drejtësisë.
Sportelet për ndihmë juridike në godinat e gjykatave që do shkrihen
Një risi e premtuar nga qeveria do të jetë ngritja e sporteleve e dhënies së ndihmës ligjore për një kategori qytetarësh në nevojë. Ministri Manja nënvizoi se për këto sportele do të përdoren si infrastrukturë godinat e gjykatave që do të shkrihen nga realizimi i hartës së re gjyqësore. “Shteti nëpërmjet ndihmës juridike falas ka menduar të mbështesë një kategori qytetarësh në nevojë. Është ndihma parësore dhe dytësore. Ne do hapim këto sportele edhe në godinat e gjykatave që do mbyllen për shkak të hartës së re gjyqësore, të asistohen nga zyrat tona falas”, vazhdoi më tej ministri Manja.
Amnistia Penale, Manja: Është rritur numri i paraburgosurve, propozim Kuvendit
Ministri i Drejtësisë paralajmëroi se qeveria do t’i dërgojë Kuvendit të Shqipërisë një propozim për të miratuar një Amnisti Penale për një numër ende të papërcaktuar tëparaburgosurish. Sipas tij dhe qeverisë, kjo mund të ndërmerret pasi është shtuar ndjeshëm numri i paraburgosurve në burgje.
Manja arsyetoi është zbatimi i Kodit Penal nga prokuroritë dhe gjykatat. “Në sistemin e burgjeve, numri i të paraburgosurve tejkalon numrin e të dënuarve. Në të gjitha rekomandimet, kemi pjesë që prokuroria dhe sistemi i drejtësisë duhet të aplikojnë të gjitha alternativat e dënimit dhe masat e sigurisë që janë në Kodin Penal. Është një mekanizëm për ta ulur, na shërben për ta ulur. Po për 2023, nuk e them saktësisht kohën, në objektivat tona është që t’i propozojmë Kuvendit amnistinë penale, e shohim si mekanizëm”, u ndal te propozimi për Amnistinë Penale ministri Ulsi Manja.
Amnistinë Fiskale, ministri Manja: Po konsultohemi me BE, pr/ligji aktual OK
Debati i ashpër për miratimin e Amnistisë Fiskale u prek nga ministri Manja. Ai theksoi se qeveria dhe mazhoranca nuk po shpejtojnë të kalojnë këtë pr/ligj pasi po marrin kohën e nevojshme të konsultimeve me përfaqësuesit të BE, me qëllim që të mos i lejohet rrugë pastrimit të parave dhe depërtimit të krimit të organizuar në ekonominë shqiptare. Megjithatë, Manja e mbrojti pr/ligjin aktual.
laj
“Jemi në diuskutime të vazhdueshme me BE, nuk kemi ngutje, sepse duam të miratojmë një ligj i cili mbyll të gjitha shtigjet që ngrihen rreth këtij ligji dhe që kanë të bëjnë me pastrimin e parave nga bota e krimit. Në vlerësimin e Ministrisë së Financave, ligji ka të gjitha mekanizmat e duhur për të mbyllur shtigjet e pastrimit të parave”, u shpreh Ulsi Manja për Amnistinë Fiskale në konferencën e djeshme për mediat./Dario Velaj