Policia ndërtimore “Berisha” lejoi shkatërrimin pa dokuemnte pronësie, Genc Ruli urdhëroi shitjen 7 muaj para daljes së VKM, anëtarët e komisionit u detyruan të bënin procedurat, pa vendim qeverie dhe me letra fiktive
Në “koleksionin” e veprimtarisë së Genc Rulit, si Ministër i Ekonomi-Energjetikës, gjendet dhe procedura anti-ligjore e grabitjes së “Kompleksit Sportiv Partizani”, me metodën e privatizimit, në favor të familjes kryeministrore “Berisha”, duke ia shitur Argitës “për 5 lekë”, nëpërmjet dhëndrit Jamarbër Malltezi (Markezi i familjes Berisha) dhe motrës së tij, Olta Malltezi.
Krimi i grabitjes së “Kompleksit Sportiv Partizani”, zbulohet nga procedura e shitjes, 7 muaj para daljes së VKM, me një vendim fals, që nuk ekziton në Buletinin e KRRTSH të viteve 2007-2008, për kthimin në shesh ndërtimi për zhvillim urban, të sipërfaqes truall të kompleksit.
Në datën 29.12.2007, vetëm 2 ditë para Vitit të Ri 2008, megjithëse nuk ishte “çështje urgjente me interesa kombëtare”, Policia Ndërtimore “Berisha” miratoi leje të gjoja ish-pronarëve pa letra akoma, për shkatërrimin dhe kthimin e “Kompleksit Sportiv Partizani”, në shesh ndërtimi, megjithëse nuk kishte VKM për privatizimin, ose vendim për kthim fizik si prone.
Në janar 2008, ministri Ruli, ka nxjerr Urdhër Nr. 953/1, datë 22. 01. 2008, “Për fillimin e procedurave të vlerësimit të objektit “Klubi Shumësportësh “Partizani-Tiranë”, ndërsa pas 20 ditësh, ka nxjerr Urdhër nr. “Extra”, datë 12. 02. 2008, për ngritjen e komisionit të vlerësimit financiar, të objektit për arsye privatazimi.
Ministri Ruli dhe komisioni që i shiti Argitës, 33 mijë m2 “Kompleks Sportiv Partizani”, për “5 lekë”URDHER nr. “Extra”, datë 12.02.2008
Për ngritjen e Komisionit të Vlerësimit, për Privatizimin e Objektit “Klubi Shumë-sportësh “Partizani”, Tiranë
Në zbatim të Urdhrit Nr. 953/1, datë 22. 01. 2008, “Për fillimin e procedurave të vlerësimit të objektit “Klubi Shumësportësh “Partizani”, Tiranë, në administrim të Ministrisë së Turizmit, Kulturës, Rinisë dhe Sporteve, si dhe në zbatim VKM nr. 794, datë 21.11.2007, “Për kriteret e vlerësimit të pronës shtetërore që privatizohet apo transformohet dhe për procedurën e shitjes”, Kreu 1, urdhëroj ngritjen e komisionit te vlerësimit si më poshtë:
- IRFAN HOXHA, Kryetar, me detyrë Kryetar i Degës së Shoqërive Publike Tiranë
- AFRIM TOLA, anëtar, me detyrë Drejtor i “Klubit Shumësportësh Partizani”-Tiranë
- ELVIRA ALIAJ, anëtare, Eksperte Vlerësuese për Vlerësim të Pasurive të Paluajtshme
- SALI PREÇI, anëtar, Ekspert Kontabël i Autorizuar
Sa më sipër, dokumentacioni i vlerësimit të objektit dhe të truallit do të përgatitet në zbatim të VKM nr. 794, datë 21.11.2007 “Për kriteret e vlerësimit të pronës shtetërore që privatizohet apo transformohet dhe për procedurën e shitjes”, si dhe akteve të tjera ligjore dhe nënligjore në fuqi, duke respektuar afatet e përcaktuara.
Ministri Genc Ruli