Pas humbjes së zgjedhjeve të 25 prillit 2021, kryetari i Partisë Demokratike Lulzim Basha, në vend të pranonte humbjen dhe të bënte një analizë të zgjedhjeve, në fakt shpalli “fitoren” dhe deklaroi se “beteja sapo kishte filluar dhe se 25 prilli ishte masakër zgjedhore”.
Për më tepër, Lulzim Basha ka thënë se ka zhvilluar një prej betejave më të rrepta të pluralizmit. Madje 25 prilin e ka krahasuar me betejen e viteve ’90, që solli përmbysjen e regjimit komunist në Shqipëri.
Në fakt Basha nuk përmbysi asgjë, përveç një tjetër dështimi që i solli partisë që ai drejton prej tetë vitesh, por për Lulin rëndësi ka beteja, jo fitorja.
Duke mos pranuar humbjen, siç do të bënte një lider i vërtetë, Lulzim Basha filloi të imagjinojë beteja.
Por, betejen në që ta bënte për rrëzimin e regjimit Rama-Doshi, sikurse thotë ai, në fakt bëri një “betejë” për mbajtjen e karriges së kryetari të PD në 13 qershor, dhe e “minoi” me ndryshimet statutore në Kuvendin Kombëtar, në 17 korrik.
Të vetmet “beteja” që bëri ishin këto të dyja, dhe sigurisht jo me Ramën, por me demokratët.
Por, pasi korri “sukses” në betejën për të minuar postin e tij si kryetar i PD, Luli ka marrë pushimet. Prej ditësh kryetari i partisë më të madhe opozitare në vend, nuk duket gjëkundi.
Vetë Basha duket se ka marrë pushimet, ndërsa “servilët” e tij ia ka “vërsulur” Gaz Bardhit. Kështu Luli fle i qetë.
Nuk ka bërë as reagime dhe asnjë dalje mediatike. Asgjë. Vetëm një postim nga stafi për aksidentin e rëndë në Kroaci.
Dhe luli vazhdon e fle gjumë i lumtur sikur ka fituar. Ose ndoshta po përgatitet për betejë. Por, këtë duhet të dalë dhe ta sqarojë vetë kryetari i Republikës së re. Kështu edhe del në media, e shqiptarët e shohin e nxjerrin mallin, për ditët e munguara.(cna)