Monika mes protestuesve në zonën ku ka jetuar me bashkëshortin Meta momentet e rinisë në shtëpinë e ‘dhuruar’ nga vëllai adoleshent Drini Kryemadhi, mallkon të gjithë por harron Erion Veliajn kundër të cilit protesohet.
Më në fund Monika Kryemadhi ka qënë në mes të protestuesve kundër ndërtimit të Unazës së re, pjesën më të madhe të të cilëve i ka pasur komshinj, kur banonte tek banesa e parë e çiftit bashkë me Metën, të “dhuruar” nga vëllai adoleshent Drini Kryemadhi.
Madje pasi është takuar pikërisht në lokalin pa leje ku dhe Lulzim Basha kishte mbledhur protestuesit, pasi ka studjuar gent-planin e rrugës dhe vendndodhjen e objekteve që do të shemben për këtë investim, Monika ka shpërthyer publikisht në mallkime kundër Ramës.
“I them Edi Ramës se nata jote më e gjatë do jetë tmerri yt. Projekti ka ekzistuar, por jo kaq i gjërë. Mallkimi i fukarait të zëntë shtatë breza”, deklaroi Kryemadhi.
Pavarësisht se i shau, i mallkoi të gjithë ata që guxojnë të prekin objektet te Unaza e Re, pikërisht në zonën e Astirit ku ka kaluar dhe momentet më të bukura të rinisë me Metën, mallkoi Ramën, Gjiknurin, Salillarin, mallkim me hak për të gjithë, por si padashje harroi… Erion Veliajn.
Askush nuk e vuri re këtë përjashtim për kryebashkiakun e Tiranës Erion Veliaj nga ana e kryetares së LSI, megjithëse pjesa më e madhe e protestuesve kundër tij janë ngritur, madje dhe e kanë kërcënuar me jetë. Por Monika heshti në mënyrë totale, madje nuk i përmendi as emrin.
Ndoshta bën pjesë në projektet e ardhshme të marrëveshjeve për aleanca parciale me PS, për të dhënë votën për Veliajn në Tiranë, dhe si kompensim për të patur mbështetje në ndonjë bashki tjetër që kërkon Monika dhe Meta. Ndodh dhe kështu. Se mos merr vesh gjë Lul Basha.
Sa për mallkimet e supermiliarderës Monika Kryemadhi ndaj “menaxherit” të oligarkëve që u ka dhënë miliona euro përmes PPP-ve duke përfituar prej tyre, Edi Rama, jemi dyshues nëse do ta zërë mallkimi i saj. Eshtë mallkim miliarderi me ‘çizme’, jo fukarai të “zbathur” e pa bukë./Pamfleti