Meta Metaj tha se Partia e Lirisë është e disponueshme për të bashkëpunuar me PD për kandidatë të përbashkët në zgjedhjet vendore të 2023.
Meta u shpreh “jemi shumë të hapur për të bashkëpunuar me PD dhe gjithë opozitën për të mbështetur kandidatët më të mirë në të gjithë vendin që ata të fitojnë pavarësisht se nga janë dhe kujt i takojnë”.
“Partia e Lirisë ka prioritet rivendosjen e demokracisë në vend, të llogaridhënies. Duke pasur këto prioritete, aq më tepër në kushtet kur e pamë çfarë mund të bëjnë këta që i kanë 100% të gjitha.
Ne si Parti e Lirisë do të bëjmë çdo gjë për të rivendosur llogaridhënien dhe demokracinë në nivel vendor dhe qëndror dhe jemi shumë të hapur për të bashkëpunuar me PD dhe gjithë opozitën për të mbështetur kandidatët më të mië në të gjithë vendin që ata të fitojnë pavarësisht se nga janë dhe kujt i takojnë.
Për ne është e qartë që votat e Partisë Demokratike, Partisë së Lirisë apo partive të tjera janë shumë të rëndësishme por është e qartë se fryma për ndryshim është shumë më e madhe se kaq dhe jemi të gatshëm të punojmë dhe të bashkëpunojmë që të gjenden ata që do ti përgjigjen më mirë kësaj frymë”, tha Ilir Meta për “Ora e Betit’.