Kombëtarja shqiptare e futbollit do marrë pjesë në fazën finale të Euro 2024. Të gjendur në grupin B në “Gjermani 2024”, tanët kanë përballë Italinë, Spanjën dhe Kroacinë.
Tanimë është mësuar se para Evropianit, tanët do kenë një test miqësor kundër Suedisë. Dueli do luhet në datën 25 mars në Stockholm. Veç saj, Federata Shqiptare e Futbollit po diskuton detajet e fundit edhe për një tjetër miqësore.
Bëhet fjalë për rivalët e Kilit, me ndeshjen që është dakordësuar të luhet në Bologna të Italisë në datën 21 mars. Kur mungon vetëm firma mes dy federatave respektive, mund të themi se akordi total është gjetur dhe kuqezinjtë do kenë një rival të fortë.