Pasi u ndëshkua me karton të kuq në minutën e 22’ gjatë përballjes me kombëtaren e Skocisë, kapiteni i Kombëtare shqiptare të futbollit, Mërgim Mavraj ka reaguar përmes një postimi në rrjetin social “Facebook”.
Mavraj teksa kërkon falje, kërkon edhe mirëkuptimin e tifozëve. “E ndjej të kërkoj publikisht falje për atë moment dobësie. Të gjithë gabojmë dhe këtë herë më ndodhi mua”, shkruan ai.
Kombëtarja e Shqipërisë me humbjen e mbrëmshme ka prekur fundin e tabelës, duke vështirësuar kështu akoma më tej ecurinë e ekipit.
Takimi i mbrëmshëm ishte i vlefshëm për Ligën e Kombeve, një kompeticion ky, i cili iu jep mundësi ekipeve kombëtare për një vend në kampionatin Europian.
Postimi i Mavrajt:
“E ndjej të kërkoj publikisht falje për atë moment dobësie. Të gjithë gabojmë dhe këtë herë më ndodhi mua. Për Kombëtaren kam luajtur dhe i dëmtuar madje në situata edhe shumë më të vështira, ndaj ajo që kërkoj është të më kritikoni, sigurisht, por jo të vini në diskutim rrespektin dhe dashurinë për këtë fanellë e këto ngjyra.
Shohim përpara, me bindje se Shqipëria do të kthejë kapitull. Të gjithë bashkë mund tia dalim përsëri, por nëse jemi të ndarë ateherë mund të na mposhtë kushdo.
Me rrespekt Mërgim Mavraj #kuqezi #albania. /BW