Kryeministri Edi Rama dhe komisonerja për zgjerim Marta Kos shkëmbyen batuta në një panel ku diskutohej për zgjerimin e BE gjatë konferencës së Mynihut.
Kos tha se mezi pret të vijë në Tiranë, ndërsa me batuta u shpreh se do t’i futet detit me not nëse kjo është e nevojshme për të pasur marrëdhënie të mira me BE.
Rama i tha se kjo nuk është një sfidë e vështirë për të pasi ka qenë kampione olimpike, por problemi për kryen e qeverisë është se të bëhet Brukseli të notojë.
Kos: Pres me padurim të vij në Tiranë. Unë do t’i hyj me not detit nëse ju thoni që kjo është e nevojshme për të pasur marrëdhënie të mira me BE.
Rama: Po, sepse keni qenë kampione olimpike, kjo nuk është e vështirë për ju. Problemi është si të bëjmë Brukselin të notojë apo shtetet anëtare.