Ish-ministri i LSI, Ylli Manjani, ka dalë sërish hapur kundër Monika Kryemadhit, duke treguar se dy deputete të saj duhet të dorëzojnë mandatin.
Manjani është ndalur te fakti sot një përfaqësi e opozitës u rikthye në seancën plenare, për të diskutuar propozimet e LSI të depozituara një ditë më parë në Kuvend, që sipas tyre, do të zgjidhte situatën e krijuar prej ditësh nga protesta e studentëve.
Nga LSI prezent ishin Luan Rama, Petrit Vasili, Floida Kërpaçi dhe Kejdi Mehmetaj, ndërsa nga PD, Ervin Salianji, Luçiano Boçi dhe kërkuan që të shqyrtohen në seancën e sotme dy amendamentet e LSI, por që u rrëzuan nga mazhoranca.
Lidhur me këtë veprim, Manjani shkruan në rrjetet sociale se dy deputetet Kejdi Mehmetaj dhe Floida Kërpaçi duhet të dorëzojnë mandatet dhe t’iu bashkohen shoqeve të tyre në protestë.
“Kejdi dhe Floida duhet të dorëzonin mandatet e të ishin bashkë me shoqet e shokët e tyre studentë, jo me pushtetarët anti-studentë!”, shkruan Manjani.
Ndoshta Manjani duhet t’i drejtoj një pyetje deputeteve, nëse ndihen më shumë studente apo deputete nëse nuk e kanë mbaruar periudhën e studimeve?!