Ish-anëtari i Autoritetit të Informimit për Dosjet e ish-Sigurimit të Shtetit, njëherësh përfaqësuesi i klasës së të Përndjekurve Politikë dhe poeti i njohur Daut Gumeni paralajmëron lajme “bombastike” për ish-kryeministrin Sali Berisha pas masës së sigurisë detyrim paraqitje të marrë për të nga Gjykata e Posaçme sa i takon aferës së ish-kompleksit Partizani.
Gjatë një interviste televizive, zoti Gumeni u shpreh që Sali Berisha duhet të paraqitet në gjykatë, të vërtetojë pafajësinë nëse mendon se nuk ka faj për akuzat që rëndojnë mbi të.
Por sipas Gumenit, sapo kanë filluar akuzat, mbas këtyre do të vijnë të tjera dhe ky është vetëm fillimi për rrugëtimin e Berishës në procese gjyqësore. Mes të tjerash Daut Gumeni, ish i burgosur politik zbardhi edhe skemën që po përdor drejtësia e re (SPAK dhe BKH) për ta çuar pas hekurave të korruptuarit në Shqipëri.
-Zoti Gumeni, një person më ka thënë, Sali Berisha i ka vjedhur ëndrrën për demokraci nuk ka rëndësi se çfarë lekësh vodhi, ndanë të njëjtin mendim?
Ai i ka rënë tabelës, por jo 10-tës. Se ai që vodhi ëndrrën dhe përgatiti të gjithë këtë mashtrim të madh që e hëngrën shqiptarët se ishin të lemerisur nga diktatura. Por, shefi ishte ai trashëgimtari i diktatorit, Ramizi, ai i rregulloj të gjitha, këta të tjerë janë besnik të tij.
-Ne sot nuk kemi një opozitë, kjo është goditje e madhe për demokracinë?
Mungesa e opozitës i luan mendsh këta të tjerët që kanë pushtetin, më i miri i tyre thotë se do bëjë ca të dua se nuk më thotë njeri se bëre mirë. Por, për të munguar opozita më shumë se sa ata që kanë pushtetin ka punuar vet ai themeluesi, por ai nuk e themelojë, ai i shkuli themelet. Se po të ishte vërtetë me prirje demokrate, atë kastën e vjetër ta harronin sa më shpejt shqiptarët. Tani kanë dal disa që duan që të bëhen kryetar tani që unë ja shoh emrin vetëm kur dalin në televizor dhe kur katandiset ashtu, atëherë problemi është i atij që e drejton. Partitë tona janë katandisur në çeta pas të parit.
-Pse nuk patëm fuqi ne që ta ndryshojmë këtë sistem, tani ka hyr në lojë drejtësia, por preferojmë që të largohemi sesa të përballemi?
Shteti për mua është një gjë e vështirë edhe për popullin me nivel zhvillimi më të madh se tonin. Edhe Italia para se të vinte Berlusconi ndërronte njëherë në 3 muaj qeveritë, por s’mund ti thuash shtet i dobët edhe tani ndihet gjurma e të qenit në kufi mes dy botëve e Italisë, se të gjithë ata që kanë vënë emër dhe thonë ne jemi këtej nga këta që kanë pushtetin tani, nga Meloni prap kanë një jehonë nga kushërinjtë e komunistëve, ashtu sikurse e gjithë e majta italiane ka jehonë komuniste. Tani se ku e kanë gjetur një që e kanë vënë kryetare, nëse nuk duan që të tallen me veten, se kuptojë. Edhe ata, për shembull tek tabela e partive vënë emrin e kryetarit, por partia nuk është e kryetarit, as ata nuk kanë hequr dorë, jo më ne që nuk na ka ikur akoma frika e diktaturës.
-Nuk është e mundur që të rithemelohet e djathta, sipas jush?
Ne na ka ndodhur një gjë që, kur shihja aniet, sepse unë jam një nga ata që ika me anije, kur shihja se si bëheshin varg aniet e flotës tonë tregtare më kujtohej atëherë kur erdhën osmanët dhe me ata nuk kanë ikur vetëm ata që nuk kishin se ca të vidhnin më në kooperativë, por kanë ikur edhe ata që nuk duronin dot më ata që dje i shanin se ishin komunist, ndërsa sot i shajnë pse nuk bëhesh me mua që jam demokratik. I ka rrjedhur truri këtij vendi. Për të qenë optimist mund të bëhet ajo, por duhet që të bëhen disa gjëra për ata që kanë ikur.
Njerëz të menduar kemi edhe brenda por edhe në diasporë, por fakti që kanë 30 vite në vende të zhvilluara, nuk do të thotë se ata janë kundër vendit të tyre, por ti hapësh shtegun atyre që të jetojnë këtu më mirë në vendin e tyre sesa atje. Ata mund të ndryshojnë edhe politikën. Ne kemi gjysmën e popullsisë jashtë dhe nuk pyet njeri se kanë ikur, atëherë hajde krijojmë kushtet që edhe ata të ndihmojnë. Shqipëria është e bërë, por nuk janë bërë shqiptarët. Njëri thotë se do bëjmë Shqipërinë, tjetri thotë thurje, ka fjalë të bukura shqipja, por kur detyrosh të vësh këto emra, unë e shoh se je një rezervistë i atyre të vjetërve.
I ri duhet të jesh me ide sot dhe jo me moshë. Në fakt unë shoh një mungesë mendimi politik, si mund të shash ti dhe të flasësh me atë gjuhë që pretendon se je e ardhmja e politikës. Dëgjohet se ca thuhet në Parlament si mund të flasësh me atë gjuhë ti. Fshatarin më të humbur të këtij vendi të marrësh dhe ti thuash merr mikrofonin do thotë dy fjalë tamam. Kjo mënyrë e të bërit politik nuk ka të bëjë fare me politike, në politik nuk ka më moral dhe politika pa moral nuk është më politik, politika është shërbim si nuk paska moral. nuk janë të uritur ata që nuk kanë të hanë, por ata që nuk kanë të ngopur. Në vende të pasura nuk ka politikanë që të kenë ato shifra që jepen në media.
-Shihni një fundosjetë Berishës, pasi është marr masë sigurie ndaj tij?
Si politikan ai e ka mbaruar ciklin e tij me kohë. Shpartalloj partinë për interesa personale, ose do më ruani mua thotë ose do bëheni të gjithë si unë. Ai ka 33 e vite që shinë si ti teket dhe ka bërë kryeministrin dhe presidentin, ai thotë unë nuk dua që ta shkel Kushtetutën dhe e thotë këtë ai që kur u miratua Kushtetuta ai e quante atë si pasaporta e socialistëve. Ai e di të gjithë shqiptarët budallenj më duket. E thirrën në Gjykatë, nëse ai e di veten për të pafajshëm, të paraqitet, se është turp ta marrë vesh bota që ish-presidenti dhe ish-kryeministri i vendit nuk pranon të vejë në gjykatë.
Nuk e lë njeri të komandojë Berishën. Se për dollarë futen në luftë ata të tjerët që bënë reformën në drejtësi. Si dreqin e lënë Berishën të bëjë sehir? Nëse ke të drejtë, që të sulmojnë politikisht, shko në gjykatë, dërrmoi politikisht dhe ti ata që thua se të kanë sulmuar politikisht. Por, do vijë një ditë që do paguhen zullumet. Por ky është vetëm fillimi sepse sa ka filluar akuza. Mbas asaj mund të vijnë të tjera. Tani janë shumë pak nga ata që hidhen si zorra në prush e thonë: si mund të akuzohet ai. Drejtësia akuzon këdo, nëse je i pafajshëm shkon atje dhe vërteton pafajësinë.
-A e bllokon opozitën qëndrimi i Berishës?
Vjen puna që njerëz që nuk i gjeje dot zyrën i bëri ministër. Sa i heq nga ministri i shkruajnë kundër, shkruajnë kundër partisë tyre, por s’kanë kurajë ti bien me emër dhe i bien grupimit të tyre. Mua më vjen keq që vendi është pa opozitë, por nuk është e largët koha që edhe ajo partia tjetër që është në pushtet si kjo që është në opozitë. Të dyja palët kanë bazë gënjeshtrën. Ne kemi 33 vite që ecim pas demokracisë, ka shtete që edhe sot luftojnë që ta përsosin demokracinë.
-Si e sheh qeverisjen e kryeministrit Edi Rama për politikat ekonomike?
Ai oligarkët quan opozitë. Kur është opozita kështu që njëri i bie gozhdës dhe tjetri i bie patkoit edhe ai ca do bëjë. Në politikën e jashtme vendi ynë nuk ka qenë asnjëherë si është sot, ka qenë më i mirë, jo se nuk kanë bërë gafa po ata nuk kanë guxuar, por ky diçka ka krijuar. Ai ministri jashtëm tani më pëlqen shumë, mënyra se si artikulon.
-Politikën e brendshme në vendin tonë e quan të suksesshme?
Nuk e di se ku e ka suksesin politika e brendshme, nuk bëhen shaka me shtetin. Tani që është pa opozitë ka mundësi që të bëjë ndryshimet që do dhe korrigjimet që duhen. Unë kam qenë arsimtar dhe e kam merak arsimin si kam edhe shëndetin. Por, për mua do të ishte mirë që reforma në drejtësi të shtrihej edhe në fusha të tjera. Për shembull të shtrihet në një reformë të thellë në arsim.
Jemi duke nxjerrë analfabetë, jo vetëm nga shkollat fillore, por edhe nga universitetet. Është fatkeqësi e madhe kjo. Se nesër do dalin ca që ti thonë këmbës dorë. Noli ka thënë ka tre lloj pushtetarësh, ai që është i mençur dhe merr edhe këshilltarët e mençur dhe rri aq sa thotë ligji dhe ikën në shtëpi të tij, hajde hiqi këta. Kategoria e dytë është ajo që vet nuk është i mençur ai që ka pushtetin sepse zgjedh këshilltarët të mençur dhe kategoria e tretë është ajo kategori që nuk është vet merr edhe këshilltarët si është vet, dhe kategoria e tretë jemi ne.
-Mos jemi pak edhe popull i korruptuar moralisht ne, arrestohet një politikan dhe janë ca që thonë ka qenë i shkëlqyer, pse se lënë të flas drejtësia?
Lexova diku ku thuhej, se në këtë botë ata që mendojnë janë të pakët, ata që japin mend janë të shumtë dhe ne ketë e kemi. Korrupsioni tek ne është i madh. Korrupsion do ketë se ka nisur me korrupsion ajo punë. Reforma në drejtësi është gjëja më e mirë që ka ndodhur këto 33 vjet. Tani nisi funksionimi i kësaj reforme. Nuk flas për emrat e tyre që janë akuzuar, por për atë që përfaqësojnë ata emra që mbaheshin për të pandëshkueshëm dhe të paprekshëm. Ka dhe të tjerë pas atyre. Unë kam shpresë se tani që iu hoq filli çorapes, do t’i dalë dhe thembra. Dhe këtë e bëjnë ata që kanë paguar para për atë reformë nuk e bëjmë dot ne.
Të parit të opozitës (Berisha) që e kanë themelues, i erdhi SPAK-u te dera. Tjetri, që pret që këtë ta marrë Perëndia që ai t’i zërë vendin, është në proces tjetër. E ka një sy nga SPAK-u, një nga Berisha. Ai tjetri që nuk ka vota, por e bën PD-ja kryetar të asaj partie që ka, dhe ai në proces. Të tre thonë na e bëjnë për politikë. Pse nuk ia bëjnë asnjërit për vjedhje ose korrupsion. Se e dinë politikën maskarallëk. Po u fute në politik nuk ka ego, kurse këtu turren për të zënë një vend ku buron buxheti, ose një tender. Dhe del ish- zv/kryeministri vjedh dhe ikën, është turp për të gjithë vendin, jo vetëm për partinë. Dhe jo vetëm që ikën duke pranuar fajin thotë se duan që të ma bëjnë mua këtë se më kanë inat dhe ma bëjnë për politikë.
-A ja vlejti demokracia, nga ana e lirës së mendimit dhe produktit që solli demokracia?
Nuk është demokracia kjo se të ishte demokraci thosha se nëse ja vlejti ose jo. Kjo është demokraci. Vetëm një njeri që urren vendin mund ta linte vendin në duart që e la ai, ai tallej me atë që shkruaja unë. E di si thoshte Gardian në 2005, vetëm një popull pa vetëdije politike dhe pa kujtesë historike mund të duroj të vij në pushtet njeriu që dogji vendin për të mos ikur nga pushteti, ky është defekti ynë, kemi raporte të keqe me të vërtetën dhe lirinë. Ne jemi armiq të shtetit.
-Po Ahmet Zogut çfarë note i vë, duke parë udhëheqësit shqiptar, bëri ato që bëri dhe pastaj u arratisë?
Zogu sikur të ishte shtetar, të kishe dal një javë në malin e Krujës në prill të ‘39 i kishte larë të gjitha zullumet. Por, se bëri dhe iku, si them dot se ishte patriot, sepse njeriu nuk ikën ishte mbret dhe bëri shtet për disa vite.