rta Marku duhet të marrë menjëherë të pandehur Monika Kryemadhin, vodhi doktoraturën, Kodi Penal parashikon dënim me burg kur vjedh veprën shkencore të tjetrit
Kryerja e LSI, Monika Kryemadhi, e njohur edhe si mami i korrupsionit në Shqipëri, duhet të dënohet deri në dy vjet burg për vjedhje të një vepre shkencore. Është faktuar se Monika Kryemadhi ka vjedhur doktoraturën. Kryemadhi e ka mbrojtur tezën në vitin 2015 pranë Fakultetit të Ekonomisë në Universitetin e Tiranës me temë “Analiza e sistemit të sigurimeve shoqërore në këndvështrimin ekonomik dhe Juridik”.
Teza e Monika Kyremadhit është bërë duke kopjuar pothuajse tërësisht dy kapituj nga libri “European Welfare States: Comparative Perspectives” me autor Mel Cousins, shtëpia botuese SAGE Publications, viti i publikimit 2005.
Kjo është një vjedhje e hapur. Kryeprokurorja Arta Marku duhet ta marrë menjëherë të pandehur Monika Kryemadhin nëse kryeprokurorja përfaqëson interesin publik dhe zbaton Kushtetutën. Ky është një rast flagrant kur prokuroria është para një prove të fortë për të treguar nëse është vegël e politikës apo zbaton Kodin Penal, Kushtetutën dhe mbron interesat e shqiptarëve.
Neni 148 i Kodit Penal parashikon që “Botimi ose përdorimi tërësisht apo pjesërisht me emrin e vet të një vepre letrare, muzikore, artistikenose shkencore që i përket një tjetri, përbën kundërvajtje penale dhe dënohet me gjobë ose me burgim gjer në dy vjet”. Ndërsa neni 149 përcakton se “Riprodhimi tërësisht ose pjesërisht i veprës letrare, muzikore, artistike ose shkencore që i përket një tjetri, ose përdorimi i tyre pa pëlqim të autorit, kur kanë shkelur të drejtat vetjake e pasurore të tij, përbën kundërvajtje penale dhe dënohet me gjobë ose me burgim gjer në dy vjet”. /Pamfleti