Nga Bledi Mane
Nëse West End në Londër dhe Broadway në New York, informohen se ne Tiranë po behet nami me debate rreth godines se teatrit, ketu do zbarkojne qindra e mijera producente e regjisore e aktore e suflerë. Nuk ka bere kurre vaki qe ne nje vend te varfer kulturalisht, ku çdokush nga vete natyra eshte nje aktor profesionist ne vjedhje, mashtrime, trillime, abuzime, te mbahet kaq gjate e kaq i ndezur nje debat tashme politik per godinen e Teatrit Kombetar, ku kane shkelur vetem 7 % e popullsise lokale.
Zyrtarisht Shqiperia ka 10 godina teatrosh te shperndara ne 9 qytetet kryesore te saj. Me perjashtime te rralla, vetem 3 prej tyre jane aktive dhe trupa e artisteve pergjithesisht, e ka si pune te dyte aktrimin. Sallat e teatrove ne gjithe vendin kane 1900 ulese per spektatoret dhe asnje here nuk jane mbushur plot me perjashtim te takimeve elektorale, ku kane aktruar jo artistet e vertete, por keta maestrot e politikes se Tiranes.
Shqiperia ka 32 godina gjykatash te te treja niveleve. Ndryshe nga teatrot, ne gjykatat mbare vendit ka shkuar e shkon me shume se 60% e popullsise. 28 vite tranzicion, ne sallat e gjykatave tona jane interpretuar mijera e mijera tragjikomedi te verteta dhe ndryshe nga grimi i aktoreve, hallexhinjte shqiptare jane gjakosur, dhunuar e vrare ne te vertete.
Fatmiresisht e fatkeqesisht ka kohe qe vendin e kane zene prej fyti dy debate te nxehta: vettingu dhe teatri.
Vettingu me nje audience rekord po na nxjerr lakuriq mostrat, qe mbajten peng te nesermen e races shqiptare. Teatri, nje debat shterp qe po stimulohet nga nje opozite pa kellqe e plakut Sali dhe e orfanit Lulzim, per te zbehur dhe sfumuar skandalet e prokurorive dhe gjykatave tona. Teatri mbetet si shume halle te tjera, pasoja. Shkaku natyrisht eshte sistemi gjyqesor.
Po qe se do kishim nje drejtesi te pa krimbur nga krimi, sot do e vinte ne shinat e ligjit çeshtjen e teatrit e nese do zbuloheshin shkelje, drejtesia e pavarur do çonte pas hekurave abuzuesit.
Drejtesia e katandisur si godina e vjeter e teatrit po rrenohet çdo dite ndaj eshte urgjente ngritja e pallatit te ri te drejtesise. Me nje pallat te ri te ligjshmerise do te ngreme dhjetra godina te reja teatrosh, spitalesh, shkollash…
Bëj durim or trim! 
😉