Kreu i Partisë Demokratike Lulzim Basha deklaroi se Shqipërisë i duhet një qeveri që nuk rri në Instragram, por në vijën e parë të luftës me COVID-19.
Përmes një postimi në “Facebook” Basha thekson se qytetarët shqiptarë kanë nevojë për një qeveri që punon për ta.
“Qytetarëve shqiptarë i duhet një qeveri që punon për ta. Që punon për ty!
Një qeveri që nuk merret me dallavere politike, por që siguron ndihmë ekonomike për çdo familje.
Një qeverisje që nuk e shpenzon kohën në Instagram, por që është në vijën e parë të luftës me Covid-19.
Një qeveri që ndez dritën e shpresës për shqiptarët. Qeveria që ne do të ndërtojmë!”, shkruan Basha.