Punonjësit e By Pass-it të Fierit dhe Vlorës kanë vijuar protestat para Kuvendit edhe këtë të enjte, për bukën e tyre të gojës, për 16 rrogat e pamarra. Në shenjë simbolike ata janë lidhur me zinxhirë, ndërsa Luli iu ka premtuar se shumë shpejt do iu hiqen pranga.
Lul më e drejtë se premtimi, do të ishte që ato zinxhirë t’i vije në duart tuaja. Po politika jonë nuk njeh as cak e as moral.
Duke mos patur as turp e as frikë për monmentin Luli i publikon këto foto në Facebook, si njeriu që “dashuron” drejtësinë me këtë shënim:
Sot bashkë me punonjësit e By Pass-it të Fierit dhe Vlorës për t’i mbështetur në protestën e tyre. Unë dhe PD e kemi dëgjuar zërin tuaj, ne e njohim problemin tuaj. Problemi juaj është pasojë e drejtpërdrejtë e korrupsionit qeveritar dhe kryeministror.
Dua t’ju inkurajoj që keni ngritur zërin dhe keni ardhur këtu. Dua t’ju them të gjithë shqiptarëve se nuk ka rrugë tjetër për të siguruar të drejtat që iu nëpërkëmbën përveçse të bashkoheni, të ngriheni, të ngrini zërin dhe të detyroni një pakicë absolute njerëzish që kanë marrë peng lirinë dhe të drejtat tuaja që të respektojnë ligjin dhe t’i hapin rrugë drejtësisë. Drejtësia për ju është që paratë e rrogave dhe dëmshpërblimeve tuaja të paguhen nga garancia shtetërore dhe ne do të bëjmë gjithçka që kjo të përmbushet.
