Luka Modric padyshim që është një nga lojtarët më të mirë në botë. Pasi është shpallur “The Best” nga FIFA dhe UEFA për vitin 2018, Modriç ka fituar mijëra fansa nga e gjithë bota.
Ylli kroat i ka dërguar një dhuratë të veçantë kryeparlamentarit kosovar, Kadri Veseli.
Numri një i Partisë Demokratike të Kosovës, ka njoftuar me krenari se ka marrë dhuratë fanellën e Modric te Real Madridi.
Ka qenë vetë Veseli, ai që e ka publikuar këtë moment, duke hedhur në Facebook foton e Modricit, duke i nënshkruar fanellën dhuratë.
Kryeparlamentari kosvar e ka quajtur Modricin si futbollistin më të mirë në botë.
“Ndjenjë shumë e mirë të kesh një dhuratë si kjo, me dedikim personal nga futbollisti më i mirë në botë”, – ka shkruar Veseli.