Conference League zhvilloi raundin e pestë të ndeshjeve në grupe. Për grupin C, në orën 16:30 Dinamo Zagreb fitoi 0-2 në udhëtim me Astana.
Kroatët marrin fitoren e dytë në grup dhe i bëjnë presion Ballkanit, me djemtë e Ilir Dajës që humbën 0-1 kundër Viktoria Plzenit kryesues në “Air Albania”. Lille, Bodo/Glimt, Gent dhe Slovan Bratislava siguruan kualifikimin në Conference League pas fitoreve në duelet e sotme. Te goli ka dalë edhe Ernest Muçi, me Aston Villan që fitoi 2-1 me Legian e sulmuesit shqiptar.
Kampionët e Kosovës, Ballkani u mposht 0-1 nga Viktoria Plzen në ndeshjen e pestë të grupit C në Conference League. Sfida e zhvilluar në “Air Albania” u vendos nga një gafë e portierit Koliçi në pjesën e dytë. Kampionët e Kosovës e zhvilluan këtë duel në Tiranë pasi fusha e “Fadil Vokrrit” në Prishtinë është në gjendje të keqe.
Pas 708 ditësh Ilir Daja u rikthye sërish në Tiranë, ndërsa drejtoi ndeshjen e 100-të në stolin e skuadrës nga Theranda. Ballkani kontrolli lojën gjatë gjithë takimit, duke shpërdoruar raste të arta për shënim. Goli i ndeshjes erdhi vetëm në minutën e 81-të nga Sulc.
Një krosim i Kalvach nga këndi dhe dalja e gabuar e Koliçit bëri që çekët të kalonin në epërsi për golin me vlerën e tri pikëve, edhe pse kualifikimin e kishin siguruar për në turin tjetër. Tanimë Plzen me 15 pikë prin grupin C, ndjekur nga Dinamo Zagreb me 6 pikë dhe Astana e Ballkani me katër pikë.
Ndeshja e radhës është mes Dinamo Zagreb dhe Ballkanit në Kroaci dhe një fitore e djemve të Dajës, shoqëruar me një rezultat pozitiv të Plzen kundër Astanës, do bënte që Ballkani të kalonte më tej.
Për t’u theksuar se Ilir Daja vinte në “Air Albania” pas 708 ditës, kur për herë të fundit drejtonte Partizanin në 23 dhjetorin e 2021 në derbin e humbur 1-2 me Tiranën, gjë që solli edhe shkarkimin e tij.
Në “Astana Arena” në Kazakistan, Dinamo Zagreb fitoi 0-2 me vendasit e Astanës për xhiron e pestë të ndeshjeve në grupe. Për atë C, kroatët marrin suksesin e dytë në grup dhe shkojnë në kuotën e gjashtë pikëve.
Pjesa e parë e ndeshjes u mbyll 0-0, ndërsa në 45 minutat e dyta Dinamo shënoi dy herë. Vidovic kaloi miqtë në avantazh në të 48 minutë, pas një aksioni të bukur. Në të 79 minutë ishte Kaneko që shënoi golin e qetësisë.
Birmingham, Angli – Aston Villa dhe Legia e Varshavës po luajnë për raundin e pestë të Conference League në “Villa Park”. Dueli i grupeve u parapri nga një përleshje e dhunshme mes tifozëve vendas dhe atyre të mbërritur nga Polonia. Policia është munduar të shmangë përleshjen, por diçka e tillë ka qenë e pamundur. Në disa momente tifozët janë përplasur mes tyre, teksa në rrugët jashtë stadiumit nuk ka munguar flaka dhe tymi. Edhe në stadium tifozët janë përplasur në disa fraksione të veçanta, por pa shkaktuar dëme ose dëmtime të rënda në shëndetin e tyre. Tifozët nga Varshava njihen si problematikë, teksa sa i takon sfidës pjesa e parë u mbyll 1-1, me Muçin që shënoi për Legian por Aston Vila e mbylli me fitore 2-1