Teatri kombëtar është kasusi më i mirë për politikën shqiptare për të larguar tensionin e vërtetë që e ka përfshirë këto ditë të nxehta vere dhe reformimi në drejtësi. Të gjitha palët së bashku janë përballë një paniku që nuk ka rrugëdalje, pasi së shpejti të gjithë do jenë pa mbrojtje përballë një armate të re gjyqtarësh, prokurorësh dhe shërbimesh hetimore që do të fshijnë gjithçka. SPAK, BKH dhe trupa gjyqësore të vendosur në një format të ri menaxhimi larg duarve të politikës dhe të tuteluar shumë fort nga SHBA, kanë marrë në duart e tyre dosjet e korrupsionit, të cilat janë mbyllur me dhunë nga politika e korruptuar shqiptare ndër vite. Të gjendur përballë një situate të nxehtë, politika shqiptare gjeti momentin të sjellë sërish në qendër të polemikës teatrin kombëtar, duke këkuar tërheqjen e vëmendjes nga fenomeni i ri, katarsisi i politikës shqiptare.
Të gjithë aktrojnë së bashku. Ish varfanjakë, ish zyrtarë, ish administratorë, ish studentë etj, të cilët lundrojnë në pasuri marramendëse me para dhe prona të pajustifikuara dhe pamerituara kërkojnë pak largim vëmendje nga terrori që po ju mbërrin. Nga Gjiri i Lalëzit te Gjiri i Zamirit, tufa e miliarderëve politikanë përjeton makthin e SPAKUT.Sot shpikën teatrin për të tërhequr vëmendjen. Nesër diçka tjetër. Terrori është ulur këmbëkryq për të syrgjynosur këtë kastë arrogantësh politikë, këtë tufë hijenash dhe peshkaqenësh që kanë 30 vjet që grabisin këtë komb. Çdo ditë që kalon është një tiktak që troket në subkoshiencën e tyre për të mbyllur njëherëe përgjithmonë kapitullin më të tmershëm dhe më të turpshëm, tranzicionin e turbullt postkomunist.
Çakejtë janë nën terror. Sot shpikën teatrin, nesër një tjetër gjë. Të gjithë së bashku nga i shkurtri, i gjati , i mesmi, rondokopi, cigarja, medicina, çjanë e çnuk janë të gjitë janë nën shoshë.