Një lajm i mirë mund të konsiderohet dënimi i Hungarisë me dy ndeshje pa tifozë për shkak të sjelljeve raciste gjatë përballjes me Anglinë. Vlen të theksohet se Shqipëria do të luajë në fushë të huaj me Hungarinë, në datë 9 tetor pikërisht në stadiumin ku jemi mësuar ta shohim plot e përplot me përkrahës të Kombëtares hungareze, çka bën që skuadra të ndihet më e fortë.
Mirëpo në përballjen me Shqipërinë, Hungaria nuk do ta ketë lojtarin e 12-të, sepse në dy ndeshjet e radhës do të luajë pa tifozë. Rikujtojmë se ndeshjen në Shqipëri e fitoi kombëtarja jonë, gjë e cila na mbajti në garë për një vend në Katar 2022.