Sëmundje si diabeti dhe hipertensioni dhe duhan pirja janë faktorët kryesorë që po ndikojnë në shtimin e numrit të vdekjeve në Shqipëri.
Po ashtu sipas një botimi të ‘’INSTAT’’ të titulluar “Shqipëria në shifra 2018” rezulton se duhan pirja ka bërë që tek shumë persona të shfaqen sëmundjet e qarkullimit të gjakut.
E ditur bëhet edhe se për vitin 2018 prevalenca për hipertensionin është 870 për 10 mijë banorë dhe për diabetin 274 për 10 mijë banorë.
Mbi 36,0 % e meshkujve të moshës 15-49 vjeç në vendin tonë rezultojnë se janë duhanpirës, kurse përqindja e femrave që pinë cigare në vendin tonë llogaritet të jetë në shifrën 5 %.
Fenomen tjetër që është vërejtur është se si meshkujt edhe femrat kanë ulur konsumimin e perimeve bazë.
Ndërsa numri i vdekjeve në vitin 2018 është 21.804 duke pësuar një rënie prej 1,9 %, krahasuar me një vit më parë.
Gjithashtu ky botim tregon se 93,8 % e vdekjeve kanë ardhur nga shkaqe natyrale. Aksidentet janë shkaku i dytë kryesor i vdekjeve të raportuara në vend.