Lefter Kostenja (Gështenja), ka mbajtur postin e zv. Drejtorit të Përgjithshëm të drejtorisë së Autoritetit Rrugor Shqiptar në vitet kur ministër i Transporteve ishte i ndjeri Sokol Olldashi.
Në këtë cilësi, Gështenja ka qenë njëherësh dhe zv. Drejtor i Këshillit Teknik të Drejtorisë së Përgjithshme të Rrugëve.
Por, duke qenë se kryetari i D.P.Rr. ishte drejtor me profesion jurist, Andi Toma, të gjithë projektet më parë kalonin nga drejtoria teknike, që varej nga Gështenja dhe më pas miratoheshin në këshill.
Për kujtesë të lexuesit, Andi Toma ka qenë një nga drejtuesit e lartë të institucioneve shqiptare, i cili u riarrestua fill pas ish Drejtorit të Autoritetit Rrugor Shqiptar, Dashamir Xhika, pas dosjes të një dëmi rreth 50 milion euro, shkaktuar për ndërtimin e rrugës Tiranë- Elbasan.
Toma ka qenë nën hetim, që në vitin 2009 bashkë me Lulzim Bashën Ministër asokohe, për dosjen “Durrës-Kukës”
Themi u riarrestua, sepse Andi Toma ka qenë edhe një herë i arrestuar për korrupsion dhe i liruar nga akuzat nga ajo drejtësi, që shumë shpejt do të quhet ish drejtësia, që sot po i vjen fundi.
Vartësi Kostenja natyrisht që ka gishtin e lyrë në zullumet e shefit, por për projektin kundër të cilit ai po proteston sot, tek Astiri, krah Lulzim Bashës, është autori kryesor i tij, sepse ishte ai autoriteti përgjegjës që nga fillimi (Drejtoria e Këshillit teknik dhe deri tek finalizimi nga kryetari i K.V.O)
Vetë Gështenja, ka qenë kryetar i K.V.O (Komisionit të Vlerësimit të Ofertave) në tenderin e projektit për Unazën e Re, si zv. drejtor dhe njëkohësisht si zv.drejtues i autoritetit kontraktor dhe inxhinier që ishte është ai që e ka miratuar.
Sot, është vërtet për të qeshur, kur shikon se ku janë katandisur ish zyrtarët e opozitës, që pasi humbasin vendet e punës të përfituara me militantizëm, dalin në rrugëve për të protestuar edhe për ato punë që ndoshta i kanë bërë mirë./Ekskluzive.al
