“Çim Peka, gazetari që sfidoi portalet dhe po drithëron televizionet tradicionale”
Ky është titulli, me të cilin Nikoll Lesi ka zënë gjysmën e gazetës “Koha Jonë” sot.
Natyrisht, Lesi e ka pasur seriozisht këtë titull, se dikush mund të mendojë që është tallur me të.
Vetëm se ka harruar që të përmendë edhe faktin që në portalin e tij, Çim Peka ka sfiduar edhe parashikuesit e tërmeteve, pasi ai ta gjen me saktësi ditën, orën dhe vendin se kur do të bjerë tërmet.
Tani të vijmë tek pjesa serioze.
Çim Peka ka vendosur që të hapë edhe një TV, zyrat e të cilave thuhet se do të jenë tek pallati i Ilir Metës në “Astir”.
Ai nuk thotë asgjë se kush e financon, por ky tashmë nuk është më mister, pasi vetë fakti që zyrat do i ketë tek pallati i Metës, tregon shumë.
I vetmi detaj që tregon, është se do të ketë Andi Bejtjen drejtor, për të iluminuar popullin mbi bëmat e Edi Ramës dhe “Rilindjes”.
“Fatkeqësisht, ajo që po ndodh me median në Shqipëri është në kufijtë e nënshtrimit që vjen si pasojë e presionit, miklimit me para publike dhe nevoja e qeverisë për të mbyllur gojët e pakta që ngrene zërin kundrejt abuzimeve të panumërta që ajo prodhon cdo ditë”, thotë Çim Peka, i cili, ndryshe nga gazetarët e tjerë, është i pavarur dhe i pakapur.
Jemi të sigurtë që ashtu si me UTV apo “Nesër TV”, ku Çim Peka ishte drejtor, edhe TV i financuar nga familjet Berisha-Meta, do të ketë sukses të garantuar dhe do shkaktojë një “tërmet” të vërtetë.(TemA)
