Një ditë si kjo, plot 146 vjet më parë, 10 qershori 1878, shënonte mbajtjen e Lidhjes Shqiptare të Prizrenit.
Lidhja kishte një program të qartë politik të hartuar nga ideologë të mëdhenj si Sami Frashëri, Pashko Vasa, Abdyl Frashëri, Jani Vreto, Zija Prishtina, Asim Vokshi, Ymer Prizreni, Nokë Fani e të tjerë.
Lidhja e Prizrenit i kishte vënë vetes tri detyra kyesore:
1. Të kundërshtonte copëtimin e trojeve etnike të banuara nga shqiptarë, siç ishte parashikuar në Traktatin e Shën Stefanit dhe në Kongresin e Berlinit në vitin 1878.
2. Të realizonte bashkimin e vilajeteve shqiptare të Prizrenit, Shkodrës, Manastirit dhe Janinës në një shtet autonom shqiptar në kuadër të Perandorisë Osmane.
3. Të dëshmonte para opinionit publik evropian se shqiptarët ishin një komb i veçantë në Ballkan, pavarësisht dallimeve fetare.
Në mbështetje të këtyre qëllimeve, u ngritën degë të Lidhjes së Prizrenit në shumicën e qyteteve shqiptare.
Pavarësisht se pas një numri arrestimesh të drejtuesve të saj dhe persekutimit të popullsisë shqiptare, Lidhja e Prizrenit u shtyp nga Porta e Lartë në maj 1881, ajo mbetet një ngjarje e shënuar kombëtare.
Lidhja përbënte organizimin më të madh të shqiptarëve që nga Kuvendi i Lezhës.