Gazetari Adriatik Doçi, është një nga personat që ka kallëzuar në SPAK Ilir Metën.
Gjatë një intervistë për “Të Paekspozuarit”, ai ka shpjeguar një nga paditë e dorëzuara ndaj Metës dhe thotë se SPAK ka regjistruar dhe po heton për tre vepra të ndryshme penale.
Meta nuk bëri ndonjë koment për paditë, por e quajti gazetarin “delinkuent”.
“Jo rastësisht SPAK ka regjistruar këtë procdim penal, në bazë të kallëzimit tim dhe ka shënuar tre vepra të dyshuara penale, që është pastrim parash, korrupsion dhe shpërdorim detyrë. Nëse nuk do të shihnin asnjë element në faktet që kam referuar, dosja do të bëhej me mosfillim dhe nuk do të hapej procedim penal.
Kemi emërim pasi Meta bëhet me Berishën në qeveri. Pastaj emërohet kunati i Metës te SGS, si inxhinier mekanik i thjeshtë por me pagë më të madhe se CEO.
Ka marrë 350 mijë dollarë me dyshime se nuk ka vajtur fare në punë.
Një pjesë të këtyre parave ia ka kaluar motrës së tij, Monika Kryemadhi, në formë shlyerje borxhi dhe një pjesë tjetër ia ka kaluar LSI në formë donacioni”, deklaroi Doçi.