Drejtuesja e Byrosë Kombëtare të Hetimit, Aida Hajnaj, kreu i SPAK-ut, Arben Kraja dhe dy anëtarët e Komisionit Vlerësues, Dritan Prençi e Vladimir Mara, janë kallëzuar penalisht me akuzën e manipulimit të procesit të përzgjedhjes së anëtarëve të Byrosë Kombëtare të Hetimit në vitin 2020.
Kallëzimi është bërë nga një grup oficerësh të skualifikuar nga gara, të cilët pretendojnë se katërshja Hajnaj-Kraja-Mara-Prençi, kanë manipuluar fazën e tretë të procesit, atë të testimit fizik.
Ata e kanë dorëzuar kallëzimin në prokurorinë e Tiranës ndërsa kërkojnë që zyrtarët e SPAK-ut, anëtarët e Komisionit të Vlerësimit, shefja e BKH-së dhe prokurorë të SPAK-ut të hetohen për falsifikim dokumentesh e shpërdorim detyre.
“Ndryshe nga testimi logjik, per të cilin ishte publikuar kufiri minimal kalues, në fazën e testimit fizik nuk është bërë asnjë trasparencë, nuk është dhënë asnjë kriter vlerësimi, asnjë kufi minimal kalues. Madje 50 vjeçarja Hajnaj e ka kaluar me sukses këtë test gjë që është e pamundur për parametrat fizik të saj.
Sikurse në testimin logjik përgjegjësia për saksionimin e kritetereve të konkursit është e drejtuesit të SPAK-ut Arben Kraja, anëtarëve të vlerësimit, Dritan Prençi e Vladimir Mara dhe drejtueses së BKH-së, Aida Hajnaj, të cilët në bashkëpunim kanë manipuluar konkurrimin dhe kanë shkatërruar garën.” – thuhet në padi.
Kallëzuesit thonë gjithashtu se nuk kanë informacion mbi çfarë bazash janë vlerësuar ata që janë kualifikuar në fazën tjetër, për sa kohë që në një pjesë të mirë të kohës, anëtarët e komisionit vlerësues nuk kanë qenë të pranishëm në terren.
“Duke qene se kjo garë ka qenë e manipuluar me fitues të paracaktuar. Ndërmjet konkurrentëve është lejuar që të krijohet një mjedis totalisht tallës dhe denigrues.” – thuhet më tej në padi.
Mirëpo megjithse ky kallzim ka dy vjet që është bërë korbat e drejtësisë nuk i’a nxjerrin sytë njeri tjetrit asnjë procedim penal dhe hetim nuk ka filluar.