Shëndeti i kryeministrit sllovak Robert Fico është stabilizuar dhe frika e tij më e keqe ka kaluar, tha zëvendësi i tij Robert Kalinak dje, por ai shtoi se ai nuk do të transferohet nga spitali në Banska Bystrica për momentin.“Nuk ka më asnjë rrezik të menjëhershëm për jetën e tij, por gjendja e tij mbetet e rëndë dhe kërkon kujdes intensiv”, tha Kalinak.
“Mund të konsiderojmë se gjendja e tij është stabile dhe prognoza është pozitive”, tha Kalinak para spitalit. “Tani të gjithë ndihemi pak më të relaksuar”, shtoi ai.
Të mërkurën, Fico u plagos në një të shtëna pas një takimi të kabinetit në Handlova, një qytet në Sllovakinë qendrore. Miriam Lapunikova, drejtoreshë e Spitalit Universitar Roosevelt në Banska Bystrica, ku u shtrua Fico, tha të enjten se kryeministri iu nënshtrua një operacioni pesë-orësh me dy ekipe kirurgjikale që trajtonin plagë të shumta me armë zjarri.
Lapunikova dhe Kalinak thanë të premten se kryeministri iu nënshtrua një operacioni tjetër për të hequr indin nekrotik nga plagët.
Policia sllovake akuzoi një 71-vjeçar për tentativë vrasje. Cintula ka shtënë pesë herë me armë kundër Ficos, ndërsa e ka qëlluar katër herë – përfshirë goditjen në abdomen. Sakaq, Fico është në pushtet prej kur partia e tij popullsite e qendrës, Smer, i ka fituar zgjedhjet e përgjithshme në vjeshtën e vitit të kaluar.
Të shtënat janë përpjekja e parë e madhe për vrasjen e një lideri evropian në më shumë se 20 vjet dhe ka ngjallur dënim ndërkombëtar, me analistë dhe ligjvënës që thonë se është tregues i një klime politike gjithnjë e më të nxehtë dhe të polarizuar në të gjithë kontinentin. Ka patur reagime mbështetëse edhe nga shumë liderë europianë.