Monika Kryemadhi në vigjilje të Krishtlindjeve ka zhvilluar një takim me strukturat e partisë në Mallakastër. Në fjalën e saj, ajo u shpreh falenderuese ndaj Zotit për mirëqënien e familjes së saj duke u shprehur se do të shlyejë mëkatet e saj si politikane.
“I lutem Zotit dhe e falenderoj se ka qenë shumë bujar me mua dhe familjen time por që të shlyej mëkatet e mija si politikane duhet të bëj gjënë kryesore që të luftoj pafundësisht për këta fëmijë, për këta studentë të cilët nuk kanë mundësitë që kanë fëmijët e mi, apo fëmijët e deputetëve apo të biznesmenëve,”- tha Kryemadhi.
Ndër të tjera në fjalën e saj ajo shtoi se Partia Socialiste ka kaluar çdo kufi pasi drejtohet nga një sekt kriminal.
“Tashmë PS po e drejton një sekt kriminal që pasurinë e ka vënë në pak duar. Rama tallet me shëndetësinë falas, por është shëndetësia më e shtrenjtë në rajon. Tallet për arsimin më të mirë. Kemi institucione që nuk i shërbejnë dot qytetarëve, kemi instituicione që shesin vendin e punës, shteti është inegzistent”, u shpreh ajo.