Trokitja e pranverës pritet të sjellë raprezalje në qeverinë “Rama 3”. Në shtator të vitit që lamë pas, kryeministri Edi Rama prezantoi përbërjen e qeverisë së drejtuar prej tij, në të cilën ka pak ndryshime.
Në postet kyçe zoti Rama ka preferuar të rikonfirmojë ministrat aktualë, duke bërë ndryshime te Financat, Drejtësia, Turizmi si dhe me portofolet e ministrave të shtetit.
Kryeministri Rama zgjodhi të vijojë punën dhe në Qeverinë e aktuale, me shumicën e ministrave që vinin nga ekzekutiv “Rama 2”, duke ruajtur dhe të njëjtën strukturë, me dy ndryshime të vogla në emërtimet e ministrave pa protofol. Në postet kryesore, u rikonfirmuan drejtuesit aktualë:
Olta Xhaçka në krye të diplomacisë, Niko Peleshi te Mbrojtja dhe Bledi Çuçi si i Brendshëm, ndërkohë Arben Ahmetaj mbeti ministër i Rindërtimit dhe ndërkohë iu besua posti i zv/kryeministrit. Po ashtu, asnjë ndryshim nuk do të ketë as në krye të ministrisë së Infrastrukturës dhe Energjisë, të Shëndetësisë, të Arsimit apo dhe të Kulturës.
Kongresi i PS pritet të shkaktojë tërmet në qeverinë “Rama 3”
Por sot që flasim dhe në kushtet kur kanë kaluar plot 6 maj nga prezantimi i “Qeverisë Rama 3”, situata është disi e komplikuar dhe Partia Socialiste është përfshirë nga skandalet dhe luftë brrylash, ku për pasojë janë krijuar disa klane. Gazeta e tha pak ditë më parë se në PS janë riaktivizuar fraksionet, teksa një klan është Veliaj-Balla, ndërsa klani tjetër është Gjiknuri-Balluku.
Mirëpo sikundër e ka bërë me dije edhe kryesocialisti Rama, në pranverë pritet të mblidhet Kongresi i Partisë Socialiste, ndonëse ishte parashikuar të mbahej në fund të janarit të këtë viti, ndërsa mësohet se do të ketë ndryshime në qeveri. Sipas burimeve nga selia rozë dhe Këshilli i Ministrave, mësohet se janë disa arsye që kanë detyruar Edi Rama të shkojë drejt rikompozimit të qeverisë aktuale “Rama 3”.
Mësohet se arsyeja e parë është fakti se në qeveri ka ministra që akuzohen nga opozita dhe jovetëm për korrupsion. Kështu që i ndodhur përpara kësaj situate, kryeministri pritet të largojë nga ekzekutivi ata ministra që akuzohen për korrupsion rrezikon të dalin para drejtësisë, pse jo edhe t’iu vihen prangat në Parlament apo në selinë e Këshillit të Ministrave.
Ndërkohë arsyeja e dytë që pritet të ndodhen ndryshime në qeveri, është fakti se shumë ministra janë akuzuar dhe kallëzuar në Strukturën e Posaçme Kundër Krimit të Organizuar dhe Korrupsionit, për shkak se janë përfshirë në aferën e inceneratorëve, ku dëmi sipas Partisë Demorkatike shkon në 430 milonë euro.
Pra nisur nga fakti se disa nga ministrat aktualë janë në qendër të akuzave dhe të denoncuar në SPAK, Rama po mendon të rifreskojë kabinetin, në mënyrë që në rast se prokurorët e Prokurorisë së Posaçme kërkojnë arrestimin e tyre, ata të mos mbrohen nga kostumi i pushtetarit.
Nga ana tjetër, arsyeja e tretë që tregon se në mbledhjen e Kongresit të Partisë Socialiste mund të kemi ndryshime, është fakti se pas furtunës së inceneratorëve, shumë ministra kanë rënë në hedhjet dhe ndërkohë po dublohen nga të tjerët. Megjithatë, mbetët të shihet në ditët në vijim se çfarë do të ndodhë më kontekst.