Fatmirësisht një ngjarje tragjike është shmangur mëngjesin e sotëm në Rrëshen. Një person bashkë me fëmijët kanë shpëtuar për mrekulli. Makinës në pronësi të Armando Gjinit ishte vendosur një sasi e.ksplozivi në sedilje, por fatmirësisht nuk ka shpërthyer.
Armando Gjini është i njohur për drejtësinë si pjesë e grupit të Met Kananit. Gjini tregon se në mëngjes ka marrë makinën tip ‘Benz’ me targa ‘AA334 UJ’ të parkuar poshtë pallatit për të dërguar fëmijë në shkollë pasi ishte shi, por pa e ditur se automjeti i tij kishte qenë një “minë me sahat” dhe që mund të shpërthente nga momenti në moment.
Armando Gjini rrëfen se ka mundur ta diktojë pakon me lëndën plasëse të llojit e.ksploziv, por me shumë vonesë, vetëm pasi dërgoi fëmijët në shkollë dhe po rikthehej për në banesë. Ai ka deklaruar para grupit hetimor se e diktoi pakon e çuditshme, pasi po e shqetësonte diçka në shpinë.
Pasi zbriti nga makina ai njoftoi menjëherë policinë, e cila e spostoi në një distancë të largët nga pallatet duke bërë shpërthimin e kontrolluar. Gjini deklaron se bomba ka shpërthyer menjëherë sapo është prekur, në tentativë nga forcat xheniere për ta nxjerrë pakon nga makina. Nga shpërthimi i fortë është dëmtua totalisht makina.
Grupi hetimor ka sekuestruar kamerat e sigurisë pranë pallatit ku ishte parkuar makina gjatë natës për të shkuar në gjurmët e personave që i kanë vendosur eksplozivin. Armando Gjini ka deklaruar se nuk ka konflikte me asnjë person dhe nuk e ka idenë se kush mund ta ketë vendosur eksplozivin. Por Report Tv zbulon të kaluarën kriminale të Armando Gjini.
Ai kishe vetëm katër ditë që ishte liruar nga burgu. 47-vjeçari është arrestuar vitin e kaluar në datë 12 maj si pjesë e grupit të baronit të drogës, Met Kanani. Vitin e kaluar në kuadër të operacionit ‘Precizioni’ Gjini u arrestua së bashku me 37 persona të tjerë, ndërsa u sekuestruan 8 ton drogë. Ushtria e Met Kananit shkëmbente kanabisin nga Shqipëria me heroinë nga Turqia. Por fiks pas një viti Gjini është liruar nga burgu, ndërsa pista ku po hetohet nga prokuroria hakmarrja për prishjen e pazareve të drogës.
Met Kanani njihet nga mediat turke si “Eskobari shqiptar” për shkak të famës që ai ka marrë atje si koka e një rrjeti të madh të trafikut të lëndëve narkotike përfshirë edhe heroinë e kokainë. Nga operacionet e zhvilluara më herët edhe në Itali, Greqi, Turqi e Shqipëri, bandës i është sekuestruar mbi 8.4 ton kanabis me vlerë tregu 10 mln euro.