Të paktën 42 qytetarë kanë vdekur në Gjermaninë perëndimore dhe shumë të tjerë janë zhdukur pas përmbytjeve të mëdha që kanë ndodhur për shkak të rrebesheve të shiut.
Dëmet më të mëdha nga përmbytjet kanë ndodhur në zonën e Rhineland-Palatinate dhe North Rhine-Westphalia, ku ndërtesat dhe makinat janë marrë para nga përmbytjet.
Të paktën gjashtë të tjerë kanë vdekur në Belgjikën fqinje dhe qyteti i Liège u ka kërkuar të gjithë banorëve të evakuohen.
Reshjet e shumta të shiut në ditë më parë në pjesën e Evropës perëndimore, kanë bërë që lumenjtë kryesore të dalin nga shtrati i tyre.
Edhe Hollanda është goditur keq, pasi përmbytjet e lumenjve kanë dëmtuar shumë shtëpi në provincën jugore të Limburg. Një numër i shtëpive të kujdesit gjithashtu janë evakuuar.
Malu Dreyer, shefi i shtetit Rheinland-Pfalz të Gjermanisë, i përshkroi përmbytjen si një “katastrofë”.
“Ka të vdekur, të zhdukur dhe shumë njerëz ende janë në rrezik,” tha ai. “Të gjitha shërbimet tona të urgjencës janë në veprim 24 orë dhe rrezikojnë jetën e tyre.”
Kancelarja Angela Merkel, e cila është në SHBA përpara një takimi me Presidentin Joe Biden, tha se ishte “tronditur nga katastrofa”.
Të paktën 19 njerëz vdiqën në rrethin Ahrëeiler të Rheinland-Pfalz, pasi lumi Ahr, i cili derdhet në Rhein, doli nga shtrati.
Helikopterët e policisë dhe qindra ushtarë janë shpërndarë në disa zona për të ndihmuar banorët e bllokuar. Më parë, policia tha se dhjetëra njerëz po prisnin në çatitë e tyre të banesave për t’u shpëtuar. Shkollat janë mbyllur përreth perëndimit të vendit, ndërsa lidhjet e transportit janë ndërprerë.
Parashikimet e meteorologëve thonë se priten sërish reshje të mëdha shiu në pjesën më të madhe të Evropës Perëndimore të Enjten dhe të Premten. Ekspertët thonë se ndryshimi i klimës pritet të rrisë frekuencën e ngjarjeve ekstreme të motit, por lidhja e çdo ngjarjeje të vetme me ngrohjen globale është e ndërlikuar.