Një dosje voluminoze penale po përgatitet nga Studio Ligjore Jurisprudenca për drejtoreshën e Kredo.al, Arlinda Muja, për disa vepra të dyshuara penale, të kryera për një kohë të gjatë.
Prapaskena mëson se administratorja e institucionit financiar jobankar Kredo.al, e njohur si ‘rubla ruse’, do të kallëzohet në Prokurorinë e Tiranë dhe në SPAK, për grup kriminal, mashtrim me pasoja të rënda të qindra qytetarëve me skema e kredive si dhe për shpërdorim të thirrjeve telefonike.
Arlinda Muja është përgjegjëse për mijëra telefonata shqetësuese ndaj qytetarëve, duke u prezantuar në mënyrë automakike nga një sekretari telefonike, ofertat madhtruese të Kredo.al për të dhënë kredi.
Me telefonanat abuzuese, Kredo.al jo vetëm ka prishur qetësinë e mijërave qytetarëve, por edhe ka shkatërruar nervat e tyre.
Kredo.al jep kredi me 130 %, por mashtron qytetarët duke i futur kurthin mikrokredive.
Kredo.al është tentakulë e oligarkëve rusë në Tiranë, konkretisht është një fije e Oleg Boyko, i cili e kontrollon përmes Eleving Consumer Finance Holding”, regjistruar në Shqipëri si ortaku mazhoritar me 95% i “Kredo Finance”.
Oleg Viktorovich Boyko raportohet të ketë një pasuri prej 1.3 miliardë dollarë sipas Forbes dhe përshkruhet në faqen e tij të internetit si një nga 100 biznesmenët më të pasur rus, investitor ndërkombëtar prej 30 vitesh në industrinë bankare dhe shërbimet digjitale financiare dhe drejtues i Finstar Financial Group.
Megjithatë një raport inteligjence i Senatit të SHBA e citon oligarkun rus Oleg Boyko si person “Me lidhje shqetësuese me qeverinë ruse, inteligjencën dhe shërbimet e sigurisë së Rusisë dhe me lidhje me krimin e organizuar”.
“Shtypi moldav ka raportuar se Boyko ishte i përfshirë në një operacion të mbeshtetur nga Kremlini për influencimin e jashtëm të zgjedhjeve atje,” shkruhet në raportin sensitiv të SHBA, ku disa paragrafë janë të censuruar.
Kredo financë ashtu si IuteCredit ka futur në kurthin mikrokredive mijëra shqiptare të papunë, studentë, të rinj e të reja që nuk kanë asnjë mundësi reale t’i kthejnë borxhet që shkojnë për interes të dy kompanive me origjinë Estoninë dhe Letoninë, por që në të vërtetë nga pas kanë Rusinë.
