Kastriot Islami është shoqëruar në polici, për mosmbajtje të maskës. Ai ka qenë duke shëtitur nga Liqeni pa maskë, kur është ndaluar nga policia.
Islamit i është kërkuar mjet identifikimi, por ai nuk iu ka dhënë asnjë document.
“Nuk më njihni, unë jam Kastriot Islami, ish-deputet”, iu ka thënë ai punonjësve të policisë.
Por, kjo gjë nuk ka mjaftuar dhe për këtë arsye ai është shoqëruar në Komisariatin Nr.2, ku dhe i është komunikuar gjoba për mosmbajtjen e maskës.
Duket se ish-deputeti Kastriot Islami është rehabilituar pasi u mbajt në komisariat për 1 orë për kundërshtim të forcave të rendit dhe mungesës së maskës mbrojtëse ndaj Covid-19.
Fill pasi doli nga komisariati, ai kishte vendosur barierën mbrojtëse.
Islami u shoqërua në komisariat pasi është kapur duke lëvizur pa maskë, dhe në momentin që policët i kanë kërkuar kartën e identitetit ai ka refuzuar që t’ua tregojë, duke adresuar një sërë fyerjesh ndaj tyre.
Mirëpo mënkryetari PD Paloku ka reaguar me një postim në rrjetet sociale për këtë ngjarje të “rëndë” e gati sa nuk shpërhen në lot, duke shtuar se e gjitha kjo është organizuar nga kryeministri Rama, i cili e përdor policinë për hakmarrje.
“Hakmarrës i vogël e i neveritshëm. Ja për çfarë e përdor policinë”, shkruan Paloka.
