Tre liderë evropianë kanë mbërritur në kryeqytetin ukrainas, Kiev, raporton CNN.
Presidenti francez Emmanuel Macron, kancelari gjerman Olaf Scholz dhe kryeministri italian Mario Draghi udhëtuan në qytet me tren, konfirmoi të enjten Pallati Elysee.
Duke folur me gazetarët në platformë ndërsa mbërriti në Kiev, Macron tha se liderët do të takohen me presidentin ukrainas Volodymyr Zelensky dhe do të vizitojnë një vend të një masakre të supozuar.
I pyetur nëse ai kishte një mesazh për ukrainasit, Macron tha se ai ka një “mesazh të unitetit evropian drejtuar burrave dhe grave ukrainase”.
“Javët e ardhshme, ne e dimë, do të jenë shumë të vështira,” tha ai. “Unë dua t’i mbështes ata dhe të jem në anën e tyre.