Sot fraksioni i Aleancës për Tetarin, që doli fitimitar mbi grupin tjetër puçist, i cili ishte kolonë e pestë brenda tyre, mori mbështetjen e presidentit Meta në luftën kundër korrupsionit.
Ndaj Jari bëri këtë sqarim për demokratët:
“Të dashur demokratë,
Jari ju sqaron!
Më në fund u qetësova kur sot pashë grupin qëndrestar të Aleancës për Teatrin, në krah të presidentit Meta.
Ajo foto është ikonë e luftës kundër korrupsionit dhe simbol i ndershmërisë në Shqipëri.
Mornica më përshkruan trupin, kur pashë ata burra dhe gra, që nuk ju tremb syri as nga armiqtë e jashtëm të Aleancës, as nga armiqtë e brendëshëm të saj.
Beteja e tyre e fundit kundër grupit puçist ishte heroike.
Grupi i qëndrestarëve, që mblodhi ndihma dhe para “cash” për tërmetin, u vu para presionit psikologjik dhe politik që këto ndihma t’ia dorëzonte Komitetit të Rindërtimit.
D.m.th çfarë la gjallë tërmeti, t’i hante Ben Ahmetaj.
Kjo është një çmenduri.
Ato ndihma u mblodhën në emër të Teatrit dhe siç ka thënë Erion Veiaj, dhe Teatri është i rrezikuar nga tërmeti.
Kështu që ata nuk kanë pse i dorëzojnë lekët dhe ndihmat, pasi do t’iu duhen kur të bjerë tërmet tek Teatri.
Nga ana tjetër, aleanca e tyre me Ilir Metën u jep siguri që ata ta mësojnë në kohë, kur do të bjerë tërmet tek Teatri, dhe të bëhen gati të ndajnë ndihmat.
Mu kujtua sot policia që donte të merrte në pyetje atë gruan që mbledh lekët, ta pyeste se ku i çon lekët që mbledh.
Ajo nuk u dorëzua kurrë dhe nuk tha asnjë fjalë.
Grupi i qëndrestarëve e shpëtoi nga kthetrat e policisë dhe pastaj festuan në shesh, nën moton “larg duart nga paratë tona”.
Inkurajimi që Ilir Meta i ka dhënë luftës kundër korrupsionit në Shqipëri është e vjetër, por foto e sotme me aktorët qëndrestarë, që zbuluan së fundi dhe një grup armiqësor brenda tyre, ka për të qenë pikë kthese për jetën e tyre në Shqipëri.
Së shpejti ata do të zhvendosin protestën para Presidencës, ku pritet që policia të pushtojë ndërtesën për të nxjerrë prej andej Ilir Metën.
Ata kanë premtuar se do të bëhen barrikadë para policisë dhe se presidenti nuk ka pse imiton Allenden, duke vrarë veten, pasi ata nuk do ta lejonë policinë të hyjë në oborr.
Kjo është shpresë e madhe, që demokracia do fitojë.
I juaji, Jari!”