Pas refuzimit të Sandrit për ministër të Brendshëm nga Meta, gjithë demokratët kanë filluar të mërziten me Jarin, që nuk e paska bërë këtë punë më parë.
Gjithandej e tallin, apo e qesëndisin.
Ndërkohë, Jari është shumë i mërzitur me Lulin dhe Doktorin, që e dinë të vërtetën, po bëjnë sikur nuk e kanë mendjen.
Ndaj vendosi t’i sqarojë përsëri demokratët sot:
“Të dashur demokratë!
Jari ju sqaron!
Më duhet të sqaroj dhe një herë situatën mbi dekretet e mija.
Unë isha i pari që doja t’i refuzoja ministrat e Ramës.
Inatin më të madh e kisha me Ben Ahmetajn, pasi më ka pas shkurtuar lekët për lyerje në Presidencë dhe rrugët për jashtë.
Kur u bë ai minister, i kërkova Gjykatës Kushtetuese të më thoshte a kam të drejtë ta refuzoj, apo jo.
Gjykata Kushtetuese më tha “nuk jemi këshilltarë të tu.
Bëje një herë veprimin, pastaj të themi ne, a ke gabuar apo jo.”
Atëhere thirra anëtarët e Gjyaktës në kafe.
-Si është puna, i pyeta?
-Po e rrëzove do ta hedhim poshtë, se nuk ke të drejtë, më thane, dhe do quhesh president që ke shkelur Kushtetutën.
Pastaj do t’i lindë e drejta PS-së të kërkojë dorëheqjen tënde, se je president që ke shkelur Kushtetutën.
E kuptova planin dhe u tërhoqa.
Për këtë arsye dhe kur ishte puna e Xhafës, e thashë qartë, që nuk e bëj dot, se nuk më lejon Kushtetua, pasi e dija planin e tyre.
Meta e ka kollaj, se nuk ka Gjykatë Kushteuese, dhe sa të bëhet ajo, e shtyn ai.
Kur të bëhet dhe t’ia hedhë poshtë, ai jep dorëheqje dhe bëhet prapë kryetar partie, kurse unë s’kisha ca të bëja.
Por nga ana tjetër, jam shumë i mërzitur me Lulin.
Ai tha sot se emërimi i Sandrit zëvendësministër i Brendshëm do të thotë që Rama është ministër real i Brendshëm.
Kjo do të thotë që ne ta shfajësojmë Ramën për gjithë sa ka bërë pesë vjet, pasi i bie që Tahiri dhe Xhafaj kanë qenë të pavarur nga Rama.
Duke dashur të më godasë mua, Luli ka mbrojtur “de facto” Ramën, pasi i ka dhënë atij alibi që deri më sot ska pasur asgjë në dorë në polici.
Kjo nuk është e ndershme.
Ose Rama është përgjegjës për këto pesë vjet, ose nuk është.
Kështu si flet Luli duket sikur përgjegjësia e Ramës fillon sot.
Kjo është e rëndë, jo vendimi im.
Unë kam shmangur një kurth, se donin të më shkarkonin.”