Napoli është një nga skuadrat më në formë në Europë këtë sezon. Të kaltrit mbeten në pamposhtur në këtë edicion futbollistik dhe janë në rrugën e duhur për të fituar titullin kampion në Serie A.
Edi Reja është i mendimit se vetëm ata mund ta humbasin këtë Scudetto dhe se nëse nuk arrijnë ta fitojnë këtë sezon, atëherë nuk kanë për ta fituar kurrë.
“Napoli tani është i paarritshëm për të gjithë. Mendoj se vetëm ata vetë mund të humbasin Scudetto-n këtë vit. Dhe unë ju them se nëse nuk e fitojnë këtë, nuk do ta fitojnë më”, është shprehur Edi Reja në një intervistë për “L’Eco di Bergamo”.