Qeveria Rama nuk ka lidhje fare dhe Becheti eshte person në kërkim për mashtrim, evazion fiskal, fshehje të ardhurash dhe mashtrim me TVSH dhe nuk ka gjykate në botë që ta mbrojë pa marre pafajësinë nga akuzat e ngritura. Për dijeni Becheti eshte i “dëmtuari” i qeverisë Berisha për sekuestron nga tatimet, çështjen e importit të mbeturinave dhe kontraten me hidrocentralin e Kalivaçit, ngjarje të ndodhura para vitit 2013.
Televizionin nuk i’a mbylli askush, por hajduti dhe mashtruesi sebashku me nënë e tij 76 vjeçaren Liliana Condomitti, një grua e zhytur në biznesin e familjes dhe e akuzuar edhe në Itali për krim financiar, në kohën kur edhe autoritetet shqiptare kishin nxjerrë një urdhër arresti edhe për të si të përfshirë në skemën e pastrimit të parave.
Por pak histori për lidhjet e zonjës Liliana Condomitti me “Agon Channel”
Është e vështirë të kuptosh lidhjet e saj me dhjetra kompanitë e hapura nga familja Becchetti në vite 2010-2014, por RAI3 në një reportazh të transmetuar në atë kohë tregonte se Condomitti, që është “bosja” e kompanisë së madhe “Construzioni srl” kontrollon “Agonset Britania e Madhe”. Ajo ka 40% të Agonset Albania dhe 90% të Agonset Italia. Brenda Agonset Italia është edhe Hydro S.r.l., që është shoqëria që duhet të ndërtonte centralin hidroenergjetik në Kalivaç për të cilin ende nuk ka formë.
Hydro është pjesë e kompanisë BEG, dhe brenda BEG është gjithë familja Becchetti, nëna, babai, djali dhe xhaxhai Manlio Cerroni, mbreti i mbeturinave në Lazio.
Francesco Becchetti ka rrëfyer më në fund se nga vijnë 40 milionë eurot që ai thotë se investoi në Agon Channel. Në hapjen e televizionit ai pati deklaruar se asnjë cent nga 40 milionë eurot nuk kishte marrë borxh në banka. Shumëkush pyeti se nga vinte kjo shumë e madhe parash. U desh hetimi i prokurorisë së Tiranës për të kuptuar burimin e tyre.
Vetë Becchetti në një intervistë për La Repubblica tregon më në fund se ku e gjeti shumën për të ndërtuar Agon Channel dhe për të sjellë në Shqipëri disa prej figurave më të njohura të televizionit italian, me kosto tepër të lartë për standardet shqiptare.
“40 milionët që u përdorën për të financuar Agon Channel vijnë nga një prej bankave më të mëdha në Europë. Nuk është financim, por rezultat i zgjidhjes së një marrëveshje mes njërës prej kompanive të grupit tim dhe bankës. Nuk mund ta them emrin e saj, por në total nuk janë më shumë se 16 transferta”, është shprehur në atë kohë Becheti.
Historia e zgjidhjes së marëveshjes me bankën ka të bëjë me Deutche Bank. Hetimet e prokurorisë shqiptare zbuluan se për ndërtimin e hidrocentralit të Kalivaçit ai kishte krijuar një kompani me Deutche Bank, të quajtur Hydro srl. Në Shqipëri ata krijuan shoqërinë KGE (Kalivaci Green Energy) me capital të përbashkët 150 milionë euro. 55 përqind i kishte kompania BEG e Becchettit dhe 45 % Deutche Bank.(Rai3)
Si rezultat i ketyre mashtrimeve dhe perfitimeve kolosale nga rimbursimi i Tvsh dhe një serë manovrash të tjera fiskale, Becheti u bë një konkurent i fuqishëm në tregun mediatik, në saj të pagave stratosferike që paguante.
Drejtori i lajmeve në Agon Channel Italia, italiani Antonio Caprarica, deklaroi asokohe se ky televizion nuk garantonte as instrumentat bazë për prodhimin e lajmeve. Mirëpo duke qen se rrogat në media varionin nga 600-700 euro mujore, Becheti habiti me pagesa që as në një vend të botës nuk mund t’i merrte një gazetar i “madh” e jo më tufa e mediokërve të mediave shqiptare.
Emra të njohur të gazetarisë pozicionuar prej vitesh në disa nga televizionet më të rëndësishme në vend, braktisën ekranet ku punonin për t’ju bashkuar televizionit të ri të Becchetit.
Por a e beson se sa janë paguar?!
Kështu Adi Krasta, u largua nga Top Channel, një ikje që bëri shumë bujë dhe u përfol jo pak edhe nga vetë kolegët e tij. Sonila Meço la televizionin Klan ku gjendej në krah të Ardit Gjebreas për t’u bërë kështu një figurë qëndrore e kanalit të ri dhe u bë një nga më të paguarat. Saimir Kodra ishte një tjetër lëvizje shumë e përfolur që iu largua “Fiks Fare” për të bërë diçka afërsisht të ngjashme me Gent Zenelaj nëpërmjet “Ça thu”? Mustafa Nano braktisi gjithashtu Top Channel për t’ju bashkuar stafit të Agonit. Papritur Agoni u kthye edhe në televizionin më të kërkuar nga gazetarët të cilët nuk mund të mos josheshin nga rrogat e larta që ky televizion ofronte.
Zërat dolën dhe flitej për rroga që arrinin deri në 250 mijë euro për sezon, siç ishte rasti i gazetarit Adi Krasta apo gazetarit Lubonja që gjithashtu ishte mjaft i paguar.
Aleksandër Frangaj, drejtori i përgjithshëm i TV Klan, televizion me të cilin Gjebrea ka kontratë për tashmë disa vite ka zbuluar në atë kohë shifrat në emisionin “Opinion”,
Ai ka thënë se Becheti i ka ofruar 500 mijë euro rrogë Ardit Gjebres, e pavarësisht ofertës marramendëse, ka qenë Gjebrea ai që ka refuzuar ofertën. /Ekskluzive.al