Ish-futbollisti i kombëtares së Holandës në vitet ’70, Johan Boshkamp, i cili në të kaluarën ka qenë trajner te Anderleht, ka vënë në dyshim zgjedhjet e klubit për të afruar Kristal Abazajn “Me gjithë respektin për këtë të ri nga Kortrijk (një lojtar tjetër i blerë këto ditë nga Anderleht) dhe atë nga Shqipëria (Kristal Abazaj), nuk mendoj se kanë sjellë lojtarë elite për të rritur nivelin, kështu e mendoj unë. Nëse ai në të vërtetë është talenti më i madh i futbollit shqiptar, siç po lexoj, pyes veten pse ai në moshën 22-vjeçare luan ende atje? Dhe ai i riu nga Kortrijk ka luajtur vetëm për pak muaj në pozicionin për të cilin e afroi Anderlehti. Kjo nuk më duket aspak një lëvizje që të qetësojë tifozët”, tha Boskamp.
Boshkamp ka qenë një mesfushor i njohur në vitet ’70-’80, kur ka luajtur me Fejenord dhe Molenbek, duke fituar edhe një ftesë nga përfaqësuesja e Holandës për Botërorin 1978, të cilin kjo kombëtare e mbylli në vendin e dytë. Ai trashëgoi në atë aktivitet fanellën me numrin 14 të Johan Krujf, i cili kishte braktisur futbollin një vit më parë. Si trajner, ai ka fituar 3 tituj kampion në drejtimin e Anderlehtit. Në fakt, dyshimet e tij ngrihen natyrshëm, pasi futbollistët kualitativë duhet të kalojnë në kampionatet elitare para se të shkojnë 20 vjec. /Pamfleti Sport